પ્રેરણાદાયી / 10માં ધોરણમાં 44 ટકા લાવનાર શખ્સ બન્યો IAS ઓફિસર, શેર કરી 26 વર્ષ જુની માર્કશીટ

• IAS અધિકારી છે અવનીશ શરણ
• 10માં ધોરણમાં મળ્યા હતા માત્ર 44.5%
• 10માં ધોરણની માર્કશીટ સોશિયલ મીડિયા પર કરી શેર 

જીવનમાં માર્કસ જ બધુ નથી. 10મા 12મા બોર્ડની પરીક્ષામાં મેળવેલા ગુણ તમારી સફળતા અને ક્ષમતા નક્કી કરતા નથી. જો તમે શાળા અને કોલેજના જીવનમાં સરેરાશ વિદ્યાર્થી રહ્યા હોવ તો પણ તમે ઊંચાઈના શિખરને સ્પર્શી શકો છો. તાજેતરમાં IAS અધિકારી અવનીશ શરણ દ્વારા સોશિયલ મીડિયા પર શેર કરવામાં આવેલી 10માં ધોરણની માર્કશીટ આ સંદર્ભમાં વિદ્યાર્થીઓને ઘણી પ્રેરણા આપનારી છે.

અવનીશ શરણે મેળવ્યા હતા માત્ર 44.5%
26 વર્ષ પહેલાંની આ બિહાર બોર્ડની મેટ્રિકની માર્કશીટમાં જોઈ શકાય છે કે અવનીશને 700માંથી માત્ર 314 માર્ક્સ (44.5%) મળ્યા હતા. તે ગણિતમાં નાપાસ થયા થતા રહી ગયા હતા. 10માં ધોરણમાં થર્ડ ડિવિઝનથી પાસ થવા છતાં અવનીશે UPSC સિવિલ સર્વિસ પરીક્ષા પાસ કરીને IAS ઓફિસર બન્યા. 

My 10th Marksheet. pic.twitter.com/jmYkMohzWf

— Awanish Sharan (@AwanishSharan) July 6, 2022

માર્કશીટ સોશિયલ મીડિયા પર થઈ રહી છે વાયરલ 
બિહારના રહેવાસી આ IAS ઓફિસરની માર્કશીટ જોઈને સોશિયલ મીડિયા પર દરેક લોકો આશ્ચર્યચકિત થઈ ગયા છે. સોશિયલ મીડિયા યુઝર્સ આ માર્કશીટને બોર્ડ પરીક્ષાર્થીઓ માટે ખૂબ જ શીખ આપે તેવી ગણાવી રહ્યા છે. 

એક યુઝરે લખ્યું કે આ સાબિત કરે છે કે ડિગ્રી માત્ર કાગળનો ટુકડો છે. બીજાએ લખ્યું કે આ સાબિત કરે છે કે કંઈપણ અશક્ય નથી. તમારી માર્કશીટથી મને ઘણી પ્રેરણા મળી છે. એક યુઝરે લખ્યું કે માર્કશીટ જણાવે છે કે વિદ્યાર્થીઓએ 90 ટકા માર્ક્સ તરફ નહીં પરંતુ જીવનમાં તેમના લક્ષ્ય તરફ આગળ વધવું જોઈએ.

અવનીશ શરણના આ ટ્વીટને શનિવારે સવાર સુધીમાં લગભગ 3000 વખત રીટ્વીટ કરવામાં આવ્યું છે. તેને 31000 થી વધુ લાઈક્સ મળી છે.

ગયા વર્ષે પણ એક ટ્વીટ થયું હતું વાયરલ 
ગયા વર્ષે પણ જુલાઈ 2021માં અવનીશ શરણનું એક ટ્વીટ વાયરલ થયું હતું જેમાં તેમણે એક પોસ્ટ પર પોતાની પ્રતિક્રિયા આપી હતી. અવનીશની સક્સેસ સ્ટોરી આ પોસ્ટમાં જણાવવામાં આવી હતી. પોસ્ટમાં લખ્યું હતું કે, 'એક છોકરાને 10માં 44.5 ટકા, 12મામાં 65 ટકા અને ગ્રેજ્યુએશનમાં 60.7 ટકા મળ્યા છે. પરંતુ તેની પોઝિટિવિટી, સખત મહેનત અને સમર્પણ સાથે પ્રતિષ્ઠિત અને પડકારરૂપ UPSC પરીક્ષા પાસ કરી અને 77મો રેન્ક મેળવ્યો.