વ્યથા વતન વાપસીની / ખરા તાપમાં ખુલ્લા પગે ચાલી રહી હતી યુવતી, IAS ઓફિસરે જાતે પહેરાવ્યા ચપ્પલ

• લોકડાઉનને કારણે પ્રવાસી મજૂરોની હાલત ખરાબ
• અનેક મજૂરો પગપાળા પોતાના વતન જવા નીકળી પડ્યા છે
• ત્યારે એક IAS ઓફિસરે એક છોકરીને પહેરાવી ચપ્પલ

આ છે સમગ્ર મામલો

ગોરખપુરની સીમા પર કેટલાક પ્રવાસીઓ એકઠા થયા હતા. આ દરમિયાન એક IAS ઓફિસર ત્યાં આવી હતી. તેમનું નામ અનુજ મલિક છે. તેમની નજર ત્યાં ઉભેલી એક યુવતી પર પડી. છોકરીએ ચપ્પલ નહોતી પહેરી અને તે તડકામાં ઊભી હતી. તો IAS ઓફિસર અનુજ મલિકે તરત જ એક ચપ્પલ મંગાવી અને પોતાના હાથે એ છોકરીને ચપ્પલ પહેરાવી. 

પગપાળા ચાલતા-ચાલતા તૂટી ગઈ હતી ચપ્પલ

જે યુવતીને IAS ઓફિસરે ચપ્પલ પહેરાવી તેનું નામ શ્રેયા છે. શ્રેયા બિહારની રહેવાસી છે. તે ગોંડાથી પગપાળા ચાલીને બિહાર તેના ઘરે જવા નીકળી હતી. રસ્તામાં તેની ચપ્પલ તૂટી ગઈ. તેના પરિવારજનો પણ તેની સાથે જ હતા અને તે ખુલ્લા પગે જ ચાલતી રહી. 

અન્ય લોકોએ પણ કરી મદદ

IAS ઓફિસરની મદદને જોઈને ત્યાં હાજર અન્ય અધિકારીઓ અને કર્મચારીઓ પણ મદદ માટે આગળ આવ્યા. ત્યાં આવેલાં તમામ પ્રવાસી મજૂરો જેમની પાસે ચપ્પલ નહોતી, એ બધાં માટે ચપ્પલની વ્યવસ્થા કરી આપી. સાથે જ તેમના માટે જમવાની અને પાણીની પણ વ્યવસ્થા કરી આપી હતી.