રાજસ્થાન / પાકિસ્તાની વિમાન ભારતમાં ઘૂસ્યુ, વાયુસેનાએ જયપુરમાં કરાવ્યું ઈમરજન્સી લેન્ડિંગ

જયપુર: પાકિસ્તાનની વાયુસીમાથી ભારતમાં આવેલા એક મોટા કાર્ગો વિમાનને વાયુસેનાએ જયપુર એરપોર્ટ પર લેન્ડિંગ કરાવ્યું હતુ.

મળતી માહિતી મુજબ આ વિમાન એન્ટોનોવ એએન 12 હેવી કાર્ગો વિમાન છે અને જે જ્યોર્જિયા દેશનું હોવાનું સામે આવ્યું છે. આ વિમાનને કરાચીથી દિલ્હી તરફ જવાનું હતું. પરંતુ તેણે અચાનક જ પોતાનો રૂટ બદલી નાખ્યો. જેમાં આ વિમાન ગુજરાતથી ભારતમાં ઘૂસ્યું અને રાજસ્થાન તરફ આગળ વધ્યું. ત્યારે વાયુસેનાના બે સુખોઇ 30 ફાઇટર જેટ્સે આ કાર્ગો વિમાનને ઘેર્યુ અને જયપુરમાં લેન્ડિંગ કરવા માટે મજબૂર કર્યુ હતુ.

જયપુરમાં લેન્ડિંગ બાદ વાયુસેના દ્વારા બંને પાયલોની પૂછપરછ કરવામાં આવી હતી. મહત્વનું છે કે. સ્થાનિક પોલીસ પણ એરપોર્ટ પહોંચી હતી અને આગળની કાર્યવાહી હાથ ધરી હતી. 

#WATCH: Indian Air Force fighter jets force an Antonov AN-12 heavy cargo plane coming from Pakistani Air space to land at Jaipur airport. Questioning of pilots on. pic.twitter.com/esuGbtu9Tl

— ANI (@ANI) May 10, 2019