ભારતીય વાયુ સેનાએ સેન્ટ્રલ બોર્ડ એફ ફિલ્મને જ્હાનવી કપૂરની ફિલ્મ ગુંજન સક્સેનાને લઇને પત્ર લખ્યો છે. એરફોર્સના કહ્યાં મુજબ ફિલ્મમાં IAFની નેગેટિવ ઇમેજ બતાવવામાં આવી છે. જેના પર એરફોર્સે પત્ર લખ્યો છે અને ધર્મા પ્રોડક્શન પર એરફોર્સની ઇમેજ ખરાબ કરવાનો આરોપ પણ લગાવ્યો છે.
ભારતીય વાયુસેનાએ લખ્યો પત્ર
ગુંજન સક્સેના પર જતાવી આપત્તિ
ધર્મા પ્રોડક્શન પર આરોપ
સેન્સર બોર્ડને લખાયેલા પત્રમાં IAFએ કહ્યું કેસ ધર્મા પ્રોડક્શને પ્રામાણિકતા સાથે ભારતીય વાયુસેનાનું પ્રતિનિધિત્વ કરવાની સહમતિ વ્યક્ત કરી હતી સાથે જ નવી પેઢીને પ્રેરિત કરશે તેવું પણ કહ્યું હતુ પરંતુ તેનાથી સાવ વિપરીત ઘટના ઘટી છે. જ્યારે ફિલ્મનું ટ્રેલર રિલીઝ થયુ ત્યારે તેમાં કેટલાક ડાયલોગ અને સિન આપત્તિજનક હતા. જેમાં વાયુસેનાની છબિ ખરડાઇ છે અને વાસ્તવિકતાથી દૂર વાર્તા ફરે છે.
ફિલ્મમાં મહિલાઓ સાથે એરફોર્સમાં વર્તનને લઇને વાયુસેનાનું કહેવું છે કે, અમારુ સંગઠન બાયસ નથી. ભારતીય વાયુસેના પુરુષ અને મહિલાકર્મીઓ બંનેને સમાન અવસર આપે છે. ધર્મા પ્રોડક્શન ફિલ્મમાંથી આપત્તિજનક સિન હટાવે અને જરૂરી સુધાર કરે તેવી સલાહ આપવામાં આવી છે. ફિલ્મ 12 ઓગસ્ટે રિલીઝ થઇ છે અને તેને મિશ્ર પ્રતિસાદ સાંપડ્યો છે.
સુશાંત સિંહ રાજપૂતના મોત બાદ નેપોટીઝમનો મુદ્દો સળગ્યો છે અને જેના કારણે સ્ટારકિડ્ઝની ફિલ્મોનો દર્શકો બહિષ્કાર કરી રહ્યાં છે. હાલમાં જ રિલીઝ થયેલા સડક-2ના ટ્રેલરને 95% ડિસલાઇક્સ મળી છે. દુનિયામાં 11મા નંબરે ફિલ્મનું ટ્રેલર પહોંચી ગયું છે.