હુંકાર / 15મી ઓગસ્ટ પહેલા વાયુસેના પ્રમુખની દુશ્મનો પર લાલ આંખ, કહ્યું આપશે જડબાતોડ જવાબ

• વાયુસેના પ્રમુખે લીધી ઍરબેઝની મુલાકાત
• મિગ-21 ઉડાવીને છોડાવ્યા દુશ્મનના પરસેવા
• દુશ્મનોની દરેક હરકતનો મળશે જવાબ

વાયુસેના પ્રમુખ એર ચીફ માર્શલ ભદોરિયા સ્વતંત્રતા દિવસના માત્ર 48 કલાક પહેલા મિગ-21માં કેમ સવાર થયા તે જાણીને દુશ્મનોના પરસેવા છૂટી ગયા છે. તેમણે ત્યાં જઇને કોમ્બેટ અને એરક્રૂ સાથે મુલાકાત કરી અને સૌથી મોટી વાત તેમણે પોતે મિગ-21ને ઉડાવ્યું હતું. 

શ્રી ભદોરિયાએ જ્યારે ચીન-ભારત તણાવ વખતે લેહ લદાખની મુલાકાત લીધી હતી ત્યારે પણ તૈયારીઓને પરખવામાં આવી હતી. સાથે જ 29 જુલાઇએ જ્યારે રફાલ વિમાન આવ્યા ત્યારે પણ વાયુસેના અધ્યક્ષ અંબાલા એરબેઝ પર હાજર હતા. 

ચીનની દરેક હરકતનો જવાબ આપવા માટે LAC પર વાયુસેનાએ અપાચે લડાકૂ વિમાન તૈનાત કરી રાખ્યા છે. હાલમાં જ હિમાચલ પ્રદેશમાં રાત્રે રફાલ ફાયટર જેટના યુદ્ધ અભ્યાસ કર્યા બાદ પાકિસ્તાન અને ચીનને ચેતવણી આપવામાં આવી છે કે બોર્ડર પર કોઇ પણ પ્રકારનો દગો ચલાવી લેવામાં નહી આવે.