ભરતી / વાયુસેનામાં અગ્નિવીરોની નવી ભરતી માટેની જાહેરાત, આ તારીખથી થશે રજિસ્ટ્રેશન

• ભરતી સંબંધિત નોટીસ જાહેર
• અગ્નિવીરના પદ માટે રજિસ્ટ્રેશન
• ઇન્ડિયન એરફોર્સે આપી નોટીસ

 
અગ્નિવીરોની ભરતી
ભારતીય વાયુસેનાના અગ્નિવીરોના 1/2023ની ભરતી અંગે શોર્ટ નોટીસ જાહેર કરી છે. આ નોટીસ અનુસાર તમામ મહિલા અને પુરુષ ઉમેદવારોની ભરતી અગ્નિવીરના પદ માટે કરવામાં આવશે. જે ઉમેદવારો આ ભરતીમાં અરજી કરવા ઇચ્છતાં હોય તેને ઓફિશિયલ વેબસાઇટ પર પોતાનું રજિસ્ટ્રેશન કરવું પડશે અને ઓફલાઇન પરીક્ષા માટે હાજર થવું પડશે.

IAFએ પોતાની વેબસાઇટ agnipathvayu.cdac.in પર જાહેર કર્યું છે કે નવેમ્બર 2022ના પ્રથમ સપ્તાહમાં રજિસ્ટ્રેશન પ્રક્રિયા શરૂ થઇ જશે. અરજદારોને જાન્યુઆરી 2023ના મધ્યમાં પરીક્ષા માટે બોલાવવામાં આવશે.

ભરતી માટે યોગ્યતાના માપદંડો
આ ભરતી માટે અરજદારો પાસે 12માંની ડિગ્રી હોવી આવશ્યક છે. એટલું જ નહીં પરંતુ 12માં ધોરણમાં ઓછામાં ઓછાં 50% મેળવ્યા હોવા જરૂરી છે. અથવા તો 50% સાથે ઇન્જિન્યરીંગ કે ડિપ્લોમાની ડિગ્રી હોવી જરૂરી છે.

જાણો શું છે વયમર્યાદા ?
આ ભરતી માટે ઉમેદવારની ઉંમર 17.5 વર્ષથી વધુ અને 21 વર્ષથી ઓછી હોવી જોઈએ. અરજદારની ઊંચાઈ ઓછામાં ઓછી 152.5 સેમી હોવી જોઈએ અને તે તેની છાતીને 5 સેમી સુધી ફુલાવી શકવો જોઇએ.