IAF / AN-32 વિમાન ક્રેશમાં તમામ 13 લોકોના મોત, વાયુસેનાએ આપી જાણકારી

વાયુસેનાએ ટ્વિટ કરતા જણાવ્યું કે, 'AN-32 વિમાનના દુ:ખદ ક્રેશ થવાને કારણે વાયુસેનાના જવાનોએ પ્રાણ ગુમાવ્યા છે. જી.એમ.ચાર્લ્સ, એચ. વિનોદ.આર.થાપા, એ.તંવર, એસ.મોહન્તી, એમ.કે.ગર્ગ, કે.કે. મિશ્રા, અનૂપ કુમાર, શેરિન, એસ.કે.સિંહ, પંકજ, પુતાલી અને રાજેશ કુમાર'. સાથે લખ્યું કે, 3 જૂને થયેલા AN-32 પ્લેન ક્રેશમાં પ્રાણ ગુમાવનાર બહાદુર વાયુસેનાના જવાનોને વાયુસેના શ્રદ્ધાંજલિ આપે છે અને તેમના પરિવાર જનો સાથે છે.

આપને જણાવીએ કે, અરુણાચલ પ્રદેશમાં સિયાંગ અને શી યોમી જિલ્લાની સીમા પર ગટ્ટા ગામ પાસે, સમુદ્રથી 12000 ફૂટની ઉંચાઇ પર વાયુસેનાના MI-17 હેલિકૉપ્ટર દ્વારા કાટમાળ જોવા મળ્યા બાદ વાયુસેનાના પર્વતારોહણ દળમાં 9 કર્મી, સેનાના 4 અને 2 અર્ધસૈન્ય પર્વતારોહિયોને રવાના કરવામાં આવ્યા હતા. 8 દિવસોના શોધ અભિયાન અને વિભિન્ન એજન્સીઓની શોધ બાદ કાટમાળ મળી આવ્યો હતો. 

વાયુસેનાના MI-17 હેલિકોપ્ટરે મંગળવારે AN-32 વિમાનનો કાટમાળ પર્વતીય વિસ્તારના ગાઢ જંગલોમાં જોયો હતો. આ વિમાનના ગાયબ થયાના આઠ દિવસો બાદ તેનો કાટમાળ જોવા મળ્યો હતો. તેમાં કુલ 13 લોકો સવાર હતા. 

IAF Pays tribute to the brave Air-warriors who lost their life during the #An32 crash on 03 Jun 2019 and stands by with the families of the victims. May their soul rest in peace.

— Indian Air Force (@IAF_MCC) June 13, 2019

1986માં થયો હતો સામેલ

રશિયન બનાવટના AN-32 યાતાયાત વાહનને 1986માં ભારતીય વાયુ સેનામાં સામેલ કરવામાં આવ્યું હતું. વર્તમાન સમયમાં, ભારતીય વાયુસેના 105 વિમાનોને સંચાલિત કરે છે જે ઉંચા ક્ષેત્રોમાં ભારતીય સૈનિકો તૈનાત કરવા અને સામાન પહોંચાડવાની ભૂમિકા નિભાવે છે. 

સેનાના છે વિશ્વાસુ AN-32

AN-32 સેનાનું સૌથી વિશ્વાસુ વિમાન રહ્યું છે. દુનિયાભરમાં આવા લગભગ 250 વિમાન સેવામાં છે. આ વિમાનને નાગરિક અને સૈનિક બંનેને માટે ડિઝાઇન કરવામાં આવ્યા છે. આ રશિયન બનાવટના વિમાન છે. જેમાં બે એન્જિન હોય છે. આ વિમાનની ક્ષમતા ક્રુ સહિત લગભગ 50 લોકો અથવા 7.5 ટન યાત્રાળુઓને લઇ જવાની છે. 530 કિલોમીટર  પ્રતિ કલાકની ઝડપે ઉડતા વિમાનની રેન્જ 2500 કિલોમીટરની છે.