નિવેદન / ભાજપ સત્તામાં ન આવે ત્યાં સુધી ડિનર નહીં કરું, સાફો નહીં બાંધું: દિગ્ગજ નેતાના પ્રતિજ્ઞાની રાજકારણમાં ચર્ચા

• રાજસ્થાન ચૂંટણી 2023ની તૈયારીઓ
• ભાજપના પ્રદેશાધ્યક્ષ સતીષ પૂનિયાની પ્રતિજ્ઞા
• 'પાર્ટી સત્તામાં આવે નહી ત્યાં સુધી સાફો નહી પહેરુ'

રાજસ્થાનમાં ભાજપના પ્રદેશાધ્યક્ષ સતીષ પુનિયાએ કહ્યું કે પ્રદેશમાં જ્યાં સુધી પાર્ટી સત્તામાં નહી આવે ત્યાં સુધી તેઓ માળા અને સાફો નહી પહેરે તથા સાંજનું ભોજન પણ નહી જમે. ઉત્તર પ્રદેશના અલીગઢમાં ચૂંટણી રેલી સંબોધન કરતા જણાવ્યુ કે મે સંકલ્પ લીધો છે કે 2023માં રાજ્સ્થાનમાં અમે કોંગ્રેસ પાર્ટીને જડથી ઉખાડીશું નહી અને ભાજપ સરકારને પ્રચંડ બહુમત નહી અપાવીએ ત્યાં સુધી હું માળા નહી પહેરું, સાફો નહી પહેરુ  અને સાંજે ભોજન પણ નહી કરું.

ભાજપ પ્રચંડ બહુમતીની સરકાર બનાવશે- સતીષ પુનિયા

સાફો રાજસ્થાનમાં પારંપરિક પાઘડીને કહેવામાં આવે છે. જેને નેતા સાર્વજનિક કાર્યક્રમોમાં પહેરવાનું પસંદ કરે છે. પુનિયાએ વિશ્વાસ અપાવ્યો કે 2023માં રાજસ્થાનમાં ભાજપની સરકરા બનાવશે. એક નિવેદનમાં તેમણે જણાવ્યુ હતુ કે અમને પુરો વિશ્વાસ છે કે પ્રધાનમંત્રી નરેન્દ્ર મોદીના કુશળ અને મજબૂત નેતૃત્વમાં લોકપ્રિય નીતિઓ સાથે રાજસ્થાનમાં 2023માં ભાજપ પ્રચંડ બહુમતી સાથે સરકાર બનાવશે.

સચિન પાયલટે લીધો હતો આવો સંકલ્પ

મહત્વનુ છે કે પુનિયા ચૂંટણી પ્રચાર માટે ઉત્તરપ્રદેશમાં છે. 2014માં રાજસ્થાન લોકસભાની ચૂંટણીમાં કોંગ્રેસની હાર બાદ નેતા સચિન પાયલટે પણ રાજસ્થાનમાં કોંગ્રેસ પાર્ટીની સરકાર ન બને ત્યાં સુધી સાફો ન પહેરવાનો સંકલ્પ કર્યો હતો. ડિસેમ્બર 2018માં રાજ્યમાં કોંગ્રેસ સત્તા પર આવતા સચિન પાયલટે સાફો પહેર્યો હતો.