કાર્યવાહી / હું કરોડપતિ બનવાનો મંત્ર આપી દઇશ: શેર માર્કેટ પર બાબા રામદેવે કહ્યું એવું કે SEBIએ ફટકારી નોટિસ

• સેબીએ યોગ ગુરુ રામદેવની કંપની રૂચી સોયાને નોટિસ પાઠવી 
• સેબીએ કહ્યું રામદેવે નિયમોનું ઉલ્લંઘન કેમ કર્યું. 
• રામદેવના વીડિયો ક્લિપ વાયરલ થયા બાદ સેબીએ નોટિસ ફટકારી 

 

શું છે સમગ્ર મામલો ?

હકીકતમાં, આસ્થા ટીવી પર પ્રસારિત યોગ સત્ર દરમિયાન, યોગ ગુરુ રામદેવ લોકોને રુચી સોયાના સ્ટોકમાં રોકાણ કરવા વિનંતી કરતા જોવા મળે છે. આ સાથે રામદેવે વીડિયોમાં કેટલીક એવી વાતો પણ કહી છે, જે સેબીની નજરમાં શંકાસ્પદ છે. આ જ વીડિયો ક્લિપ વાયરલ થયા બાદ કેપિટલ માર્કેટ રેગ્યુલેટર સેબીએ રૂચી સોયાને નોટિસ ફટકારી છે.

શું  છે વીડિયો ક્લીપમાં 

આ વીડિયો ક્લિપમાં રામદેવ કહે છે, “આજકાલ, રુચી સોયાની FPO પર ઘણી ચર્ચા છે. હવે, શું તમે કરોડપતિ બનવા માંગો છો? કરોડપતિ બનવા માટે હું મંત્ર આપીશ. મેં હમણાં જ શેરબજારમાં રોકાણ કેવી રીતે કરવું તે શીખ્યા છે. શેરમાં વેપાર કરવા માટે, ડીમેટ એકાઉન્ટ જરૂરી છે. તો આજે જ ડીમેટ ખાતું ખોલો." યોગ ગુરુ રામદેવના શબ્દોને પણ સેબી રોકાણની સલાહ તરીકે જોઈ રહી છે.

શેર ખરીદી કરવા પર આપી રહ્યાં છે જોર 

વીડિયોમાં આ પહેલા રામદેવે જે વાતો કહી છે તે સેબીની નજરમાં શંકાસ્પદ છે. રામદેવ આગળ કહે છે, “જ્યારે હું તમને કહું છું, તમારા ડિમેટ ખાતામાં રૂચી સોયા શેર ખરીદો. રુચિ સોયા પછી પતંજલિ આયુર્વેદ શેર ખરીદો. તમને અત્રે જણાવી દઈએ કે પતંજલિ હજી સુધી શેરબજારમાં લિસ્ટેડ નથી, પરંતુ કંપનીએ આઈપીઓ દ્વારા શેરબજારમાં પ્રવેશની જાહેરાત કરી છે. માનવામાં આવે છે કે પતંજલિ આવતા વર્ષે શેરબજારમાં લિસ્ટ થશે.

બાબા રામદેવે કરોડ પતિ બનાવી ગેરંટી આપી  

આ વીડિયો ક્લિપમાં રામદેવ આગળ કહે છે, “પતંજલિ માટે, હું વધુ કરીશ. મારે મર્યાદામાં વાત કરવાની જરૂર છે. રૂચી સોયાની FPO ચાલુ છે. કોઈપણ એજન્સી દ્વારા પતંજલિનું મૂલ્યાંકન કરો, માર્કેટ કેપ હજારો કરોડમાં હશે. તેથી, જે કોઈ પતંજલિ અને રૂચી સોયાના શેરમાં રોકાણ કરે છે તેને કરોડપતિ બનતા અટકાવી શકાય નહીં. હું તમને આ ગેરંટી આપું છું. " આ વીડિયોમાં રામદેવ આગળ કહે છે કે શેર ખરીદશો નહીં અથવા વેચશો નહીં. શેરો ખરીદો બેસો અને ધ્યાન કેન્દ્રિત કરો. જોકે, સેબીએ યોગ ગુરુ રામદેવની આ વીડિયો ક્લિપ સામે વાંધો ઉઠાવ્યો છે અને રૂચી સોયાને નોટિસ પાઠવી છે.