મનોરંજન / મન્નત બંગલા માટે પહેલા મને ઓફર થઈ હતી પણ આ કારણે...: સલમાન ખાને કર્યો ખુલાસો

• શાહરુખ ખાન મન્નતમાં અને સલમાન ખાન ગેલેક્સી એપાર્ટમેંટમાં રહે છે
• શાહરુખ ખાનનું ઘર મન્નત પહેલા સલમાન ખાન ખરીદવાના હતા

શાહરુખ ખાન અને સલમાન ખાનથી જોડાયેલ નાની નાની વાતો જાણવામાં ચાહકોને ખૂબ જ ઇન્ટરેસ્ટ હોય છે. બંનેથી જોડાયેલ એક એવી જ મજેદાર વાત હાલ બહાર આવી છે. એ તો બધાને ખબર છે કે શાહરુખ ખાન મન્નતમાં રહે છે અને એમનું ઘર ખૂબ જ મોટું અને આલીશાન છે, ત્યાં જ સલમાન ખાન ગેલેક્સી એપાર્ટમેંટમાં રહે છે. એક ઇંટરવ્યૂમાં સલમાન ખાને જણાવ્યું હતું કે તે ખૂબ જ સિમ્પલ રીતે જીવે છે. સોફા પર પડ્યા રહે છે અને ઘણી વખત એસી પણ નથી ચલાવતા. હાલ એક ઇંટરવ્યૂમાં એમને એક નવો ખુલાસો કર્યો છે જે લોકોને ઘણો ચોંકાવી રહ્યો છે. શાહરુખ ખાનનું ઘર મન્નત પહેલા સલમાન ખાન ખરીદવાના હતા પણ તેના સલીમ ખાને ના પાડી દીધી હતી. 

#SalmanKhan reveals he was offered Mannat before #ShahRukhKhan, reveals why he declined pic.twitter.com/mSe7m1czOK

— IndoGraphy (@Indography_) August 4, 2022

સલીમ ખાને કહ્યું કઇંક આવું 
શાહરુખ ખાન અને સલમાન ખાન ખરાબ સમયમાં હંમેશા એકબીજા સાથે રહ્યા છે. બંને જ્યારે એકસાથે હોય છે એ સમયે તેમણે જોઈને ફેન્સ ઘણા ખુશ થઈ જાય છે. શાહરુખ ખાનની ફિલ્મ પઠાણ આવી રહી છે અને એવી ખબર સામે આવી છે કે સલમાન ખાન તેમાં કેમિયો કરવા જઈ રહ્યા છે. હાલના એક ઇંટરવ્યૂમાં સલમાનને પૂછવામાં આવ્યું જતું કે શાહરુખ ખાન પાસે એવું શું છે જેને તે મેળવવા માંગે છે એ સમયે સલમાન ખાને જવાબ આપ્યો હતો કે 'એમનો બંગલો મન્નત. એ બંગલાને લઈને પહેલી ઓફર મારી પાસે આવી હતી અને એ સમયે મેં હજુ શરૂઆત જ કરી હતી. ત્યારે મારા પિતાએ મને કહ્યું કે આટલા મોટા ઘરનું હું શું કરીશ. હવે હું શાહરુખને પૂછવા માંગુ છું કે આટલા મોટા ઘરમાં એ શું કરે છે?'

#Mannat New Name plate waah 😍❤️ pic.twitter.com/Xbc9Q7UNHC

— Profeसर (@Professor_S01) April 22, 2022

આટલા કરોડનું છે શાહરૂખનું મન્નત 
શાહરુખ ખાનના બંગલાની તસવીરો સોશ્યલ મીડિયા પર ઘણી વખત વાયરલ થતી રહે છે. અને એવું કહેવામાં આવી રહ્યું છે કે તેના બંગલાની કિંમત 200 કરોડની આસપાસ છે. એ છ માળની ઇમારત છે. જ્યાં શાહરુખ ખાન તેની પત્ની ગૌરી, દીકરી સુહાના અને દીકરા આર્યન અને અબ્રામ સાથે રહે છે. મન્નતના દરેક ફ્લોરમાં 5 બેડરૂમ છે. તેમના ઘરમાં પ્રાઇવેટ થિયેટરથી લઈને જિમ, લાઇબ્રેરી, સ્વિમિંગ પુલ અને શાહરૂખની ઓફિસ પણ છે.