30 વર્ષની એક મોડલે પંખા પર લટકીને આત્મહત્યા કરી લીધી હતી. પોલીસને હોટલના રૂમમાંથી એક સુસાઈડ નોટ પણ મળી આવી હતી
મોડલે આત્મહત્યા કરીને જીવ ટૂંકાવી લીધું
હોટલમાં 30 વર્ષની એક મોડલે પંખા પર લટકીને આત્મહત્યા કરી લીધી
રૂમમાંથી એક સુસાઈડ નોટ પણ મળી આવી
માયાનગરી મુંબઈનું નામ સાંભળતા જ દરિયો, લોકલ ટ્રેન, લોકોની ભાગદોડ અને ગ્લેમર વર્લ્ડ યાદ આવે છે. મુંબઈ ઘણા લોકોના સપનાઓને જોડે છે અને ઘણા સપના તોડે છે. ગ્લેમર વર્લ્ડની ધૂમ મચાવનારી દુનિયામાં લાખો લોકો રહે છે અને દરેક હસતા ચહેરા પાછળ એક દર્દ છુપાયેલું હોય છે. આપણે બધાને સુશાંત સિંહ રાજપૂતનો કિસ્સો યાદ જ છે પણ હાલ જ મુંબઈથી ફરી એકવાર ચોંકાવનારા કિસ્સો સામે આવ્યો છે. ફરી ગ્લેમર વર્લ્ડની એક વ્યક્તિએ આત્મહત્યા કરીને જીવ ટૂંકાવી લેવાનો કિસ્સો. આત્મહત્યા કરતા પહેલા મોડલે સુસાઈડ નોટમાં પોતાનું દર્દ વ્યક્ત કર્યું હતું.
Maharashtra | A 30-year-old model died by suicide, her body was found hanging from a fan in a hotel room in Andheri area of Mumbai, Versova police registered a case under ADR and started further investigation. Police also recovered a suicide on the spot: Mumbai Police
મોડલે કર્યું સુસાઇડ
જણાવી દઈએ કે મુંબઈના અંધેરી વિસ્તારની હોટલમાં 30 વર્ષની એક મોડલે પંખા પર લટકીને આત્મહત્યા કરી લીધી હતી. વર્સોવા પોલીસે ADR હેઠળ હાલઆ કેસ નોંધ્યો છે અને કેસની તપાસ ચાલી રહી છે. મળતી જાણકારી અનુસાર મોડલનું નામ આકાંક્ષા મોહન હતું અને તે લોખંડવાલાની યમુનાનગર સોસાયટીમાં રહેતી હતી. જણાવી દઈએ કે તેને બુધવારે બપોરે 1 વાગ્યાની આસપાસ હોટલમાં ચેક ઇન કર્યું હતું અને એ દિવસે રાત્રે ડિનર પણ કર્યું હતું.
બીજા દિવસે કરી લીધી આત્મહત્યા
એ પછીના દિવસે એક શોકિંગ સમાચાર સામે આવ્યા હતા અને જાણકારી મળી હતી કે તેને આત્મહત્યા કરી લીધી છે. એ દિવસે હોટલનો વેઈટર રૂમની બેલ વગાડી રહ્યો અને ઘણી વખત ફોન કર્યો પછી પણ દરવાજો ન ખોલતા વેઈટરે આ જાણકારી હોટલના મેનેજરને આપી હતી અને પછી એમને પોલીસને ફોન કર્યો હતો. હોટલ પહોંચ્યા પછી તરત જ પોલીસે માસ્ટર કી વડે રૂમ ખોલ્યો એ સાથે જ બધા ચોંકી ગયા હતા. મોડલ આકાંક્ષા મોહન પંખા સાથે લટકટી જોવા મળી હતી અને તેને આત્મહત્યા કરી લીધી હતી.
મળી આવી સુસાઇડ નોટ
જણાવી દઈએ કે પોલીસને હોટલના રૂમમાંથી એક સુસાઈડ નોટ પણ મળી આવી હતી અને એ સુસાઈડ નોટમાં મોડલે લખ્યું હતું કે, 'સોરી, આ માટે કોઈ જવાબદાર નથી. કોઈને પરેશાન ન કરતાં. હું ખુશ નહતી મને બસ શાંતિ જોઈતી હતી.'