ક્રિકેટ / 'ધોની પાસેથી ઘણું શીખ્યો પણ તેની જેમ કેપ્ટનશિપ નહીં કરું..'એશિયન ગેમ્સ 2023ની મેચ પહેલા બોલ્યો ઋતુરાજ ગાયકવાડ

• ઋતુરાજ ગાયકવાડ છેલ્લા 4 વર્ષથી ચેન્નાઈ સુપર કિંગ્સ તરફથી રમી રહ્યો છે
• એશિયન ગેમ્સ 2023માં ટીમ ઈન્ડિયાની કમાન ઋતુરાજ ગાયકવાડ પાસે 
• મેં એમએસ ધોની પાસેથી ઘણું શીખ્યું છે પણ ની જેમ કેપ્ટનશિપ નહીં કરું

ઋતુરાજ ગાયકવાડ છેલ્લા 4 વર્ષથી IPLમાં MS ધોનીની કપ્તાની હેઠળ ચેન્નાઈ સુપર કિંગ્સ તરફથી રમી રહ્યો છે. હવે તે એશિયન ગેમ્સ 2023માં ભારતીય ટીમની કમાન સંભાળવા જઈ રહ્યો છે. યુવા ખેલાડીએ માહી સાથે ડ્રેસિંગ રૂમમાં ઘણો સમય વિતાવ્યો છે. આવી સ્થિતિમાં એવું માનવામાં આવતું હતું કે માહીની એક ઝલક તેની કેપ્ટનશિપમાં જોવા મળી શકે છે. પરંતુ, નેપાળ સાથે રમાનારી મેચ પહેલા ગાયકવાડે કહ્યું કે તે પોતાની શૈલીમાં રમશે...

Ruturaj Gaikwad said - "I learned a lot from MS Dhoni bhai. The way he leads the team with calm and composed and the way he handles situations and players in the match, these things I took from him". pic.twitter.com/awp5LEi6IR

— CricketMAN2 (@ImTanujSingh) October 2, 2023

ઋતુરાજ ગાયકવાડે શું કહ્યું?
એશિયન ગેમ્સ 2023માં ટીમ ઈન્ડિયાની કમાન ઋતુરાજ ગાયકવાડને સોંપવામાં આવી છે. તે ભારતીય ટીમને કયા સ્તરે લઈ જશે તે તો સમય જ કહેશે. પરંતુ એક વાતચિત દરમિયાન યુવા બેટ્સમેને સ્પષ્ટ કર્યું છે કે તે ટૂર્નામેન્ટમાં પોતાની શૈલીમાં કેપ્ટનશિપ કરશે અને એમએસ ધોનીની જેમ નહીં. તેણે કહ્યું, ' મેં એમએસ ધોની પાસેથી ઘણું શીખ્યું છે. પરંતુ દરેક વ્યક્તિની પોતાની રીત હોય છે. તેમની પદ્ધતિ અલગ છે અને મારી અલગ છે. હું તેના જેવું કંઈક કરવાને બદલે મારી રીતે રમીશ. પરિસ્થિતિનો સામનો કરવા અને ખેલાડીઓનો યોગ્ય રીતે ઉપયોગ કરવા અંગે તેમની પાસેથી શીખેલા પાઠને હું ચોક્કસપણે અમલમાં મૂકીશ. અહીં બધું તદ્દન અલગ છે. અમે ક્યારેય વિચાર્યું પણ નહોતું કે અમે ચીન આવીને ક્રિકેટ રમીશું. આખી ટીમ માટે આ એક શાનદાર તક છે.'

"I have got to learn a lot of things from MSD but every person has a different style to look up at certain things... I will try to be myself and not really look at what others expect from me"🦁❤️

~Ruturaj Gaikwad#AsianGames2023 pic.twitter.com/S34o0dhzmF

— 🦅 (@Hustler4CSK) October 2, 2023

એશિયન ગેમ્સમાં ભાગ લેવો એ આપણા બધા માટે ગર્વની વાત છે. ક્રિકેટમાં વર્લ્ડ કપ, આઈપીએલ અને ડોમેસ્ટિક ક્રિકેટ છે. અમે આ પ્રકારની પરિસ્થિતિઓ અને વાતાવરણથી ટેવાયેલા છીએ, પરંતુ અહીં રહીને અન્ય ખેલાડીઓ અને તેમના સંઘર્ષને જાણવો ખરેખર એક અલગ અનુભવ છે. તેમને 2-3 વર્ષ કે 4 વર્ષમાં રમવાની તક મળે છે. ' જણાવી દઈએ કે, ભારત અને નેપાળ વચ્ચે ક્વોલિફાયર મેચ 3 ઓક્ટોબરે સવારે 6:30 વાગ્યે શરૂ થશે.

ગાયકવાડને CSKમાં માહી બાદ આગામી કેપ્ટન તરીકે પણ જોવામાં આવે છે 
ઋતુરાજ ગાયકવાડ 2020 થી એમએસ ધોનીની કપ્તાની હેઠળ ચેન્નાઈ સુપર કિંગ્સ માટે રમી રહ્યો છે. માહીએ ઓપનિંગની ભૂમિકા યુવા ખેલાડીને સોંપી અને આજે પરિણામ એ આવ્યું છે કે તે એશિયન ગેમ્સમાં ટીમ ઈન્ડિયાની કમાન સંભાળવા જઈ રહ્યો છે. એટલું જ નહીં ગાયકવાડને CSKમાં માહી બાદ આગામી કેપ્ટન તરીકે પણ જોવામાં આવી રહ્યો છે. આવી સ્થિતિમાં તે IPL 2024માં CSKની કેપ્ટનશીપ કરતો જોવા મળી શકે છે. 

Ruturaj Gaikwad said - "Everyone is really eager to win Gold Medal in this Asian Games for the Country and stand up on the podium". pic.twitter.com/DoxCIO34H4

— CricketMAN2 (@ImTanujSingh) October 2, 2023

એશિયન ગેમ્સ માટે પુરુષ ક્રિકેટ ટીમ ઈન્ડિયા - ઋતુરાજ ગાયકવાડ (કેપ્ટન), મુકેશ કુમાર, શિવમ માવી, શિવમ દુબે, પ્રભસિમરન સિંહ, યશસ્વી જયસ્વાલ, રાહુલ ત્રિપાઠી, તિલક વર્મા, રિંકુ સિંહ, જિતેશ શર્મા (વિકેટકીપર), વોશિંગ્ટન સુંદર, શાહબાઝ અહેમદ, રવિ બિશ્નોઈ, અવેશ ખાન, અર્શદીપ સિંહ