ફાલ્ગુની પાઠકે થોડા સમય પહેલા રિલીઝ થયેલા આ ગીત પર પ્રતિક્રિયા આપતા કહ્યું 'ગીત સાંભળી ઊલટી આવી ગઈ હતી '
ફાલ્ગુની પાઠકે 'મૈંને પાયલ હૈ છનકાઈ' ગીત પર આપી પ્રતિક્રિયા
ફાલ્ગુની પાઠકે કહ્યું 'ગીત સાંભળી ઊલટી આવવાની બાકી હતી '
ગીતની લય બદલો પણ તેને સસ્તું ન બનાવો - ફાલ્ગુની પાઠક
હાલમાં જ નેહા ક્ક્કરે 90ના દાયકાનું સિંગર ફાલ્ગુની પાઠકનું હિટ પોપ લોકપ્રિય ગીત 'મૈંને પાયલ હૈ છનકાઈ' ને પોતાની સ્ટાઈલમાં રિક્રિએટ કર્યું છે. ગીતને એક તરફ કેટલાક લોકો પસંદ કરી રહ્યા છે તો વધુ પડતાં લોકો આ ગીતને લઈને નેહાને ટ્રોલ કરી રહ્યા છે. નેહા કક્કરના રિક્રિએટ કરેલ એ ગીત 'ઓ સજના' વિશે વિવાદ અટકવાનું નામ નથી લઈ રહ્યો. ગીતની મૂળ સિંગર ફાલ્ગુની પાઠકે થોડા સમય પહેલા રિલીઝ થયેલા આ ગીત પર પ્રતિક્રિયા આપી અને ગીત રિલીઝ થયું ત્યારથી જ દર્શકો આ ગીતને 'બરબાદ' કરી નાખવા માટે ટીકા કરી રહ્યા છે.
ફાલ્ગુની પાઠકે કહ્યું 'ગીત સાંભળી ઊલટી આવવાની બાકી હતી '
આ વિવાદ હાલ વધ્યો હોય એવું લાગી રહ્યું છે અને હાલમાં જ એક નવા ઈન્ટરવ્યુમાં ફાલ્ગુની પાઠકે કહ્યું હતું કે 'ગીતની નિર્દોષતા સંપૂર્ણપણે નાશ પામી છે. જ્યારે મેં પહેલીવાર નવું વર્ઝન સાંભળ્યું ત્યારે તે ઉલ્ટી કરવાની હતી. જૂન ગીતો નવી રીતે આવે એમાં કઈં ખોટું નથી પણ સારી રીતે આવવા જોઈએ ને. તમારે યુવા પેઢી સુધી પહોંચવું છે તો ગીતની લય બદલો પણ તેને સસ્તું ન બનાવો.. ગીતની જે મૌલિકતા છે તેને ન બદલો. મને નથી લાગતું કે મારે કંઈ કરવાની જરૂર છે, મારા ચાહકો આ ગીત સામે કાર્યવાહી કરી રહ્યા છે અને હું બસ સ્ટોરી શેર કરું છું. એ લોકો મને સપોર્ટ કરી રહ્યા છે તો હું પણ એમને સપોર્ટ કરીશ.'
પહેલાના ગીતોમાં હતી સિમ્પ્લિસિટી
એ જમાનામાં બનેલા ગીતો, વીડિયો, લિરિક્સ અને મ્યુઝિકમાં સિમ્પ્લિસિટી હતી જેમ કે મૈંને પાયલ હૈ છનકાઈ ગીતમાં. આ બાબત ખૂબ મહત્વની છે. કદાચ આ તે વસ્તુ છે જે લોકો મિસ કરી રહ્યા છે. આજકાલ ગીતો રિમિક્સ કરવામાં આવી રહ્યા છે. તેમાંના કેટલાક ખૂબ સારા છે પરંતુ લોકોએ ગીત બનાવતી વખતે આને ધ્યાનમાં રાખવું જોઈએ. કદાચ તેથી જ લોકોને આ ગીતો પસંદ નથી આવી રહ્યા.
નેહા એ પણ આપ્યો હતો આ રીતે જવાબ
આ ગીતને લઈને નેહા કક્કરને સોશિયલ મીડિયા પર ટ્રોલ કરવામાં આવી રહી છે અને હવે તેણે પોતાના હેટર્સને જવાબ આપ્યો છે. સોશિયલ મીડિયા પર નેહાએ ટ્રોલર્સને સ્પષ્ટ રીતે કહ્યું છે કે તે પોતાના ટેલેન્ટ, હાર્ડ વર્ક અને પેશનના દમ પર જ આજે બૉલીવુડની સુપરહિટ સિંગર છે. નેહાએ ઇન્સ્ટાગ્રામ પર સશેર કરેલી આ પોસ્ટમાં એમ પણ કહ્યું છે કે, તે બાળકોથી લઈને 80-90 વર્ષના વૃદ્ધો સુધીની ફેવરીટ સિંગર છે.