દિલ્હી હાઈકોર્ટે OTT પ્લેટફોર્મ TVF પર પ્રસારિત વેબ સીરિઝ 'કોલેજ રોમાન્સ' માં વાપરવામાં આવેલ ભાષાને ગંદી, અપવિત્ર અને અશ્લીલ માનતા તેના સામે થઈ રહેલ કાર્યવાહીને યોગ્ય ઠેરવી છે.
કોલેજ રોમાન્સ શોથી યુવાનોનું મગજ બગડશે
જજે કહ્યું ખૂબ જ ખરાબ ભાષાનો ઉપયોગ કર્યો છે
આવી ભાષાને દેશમાં બોલવામાં આવતી સામાન્ય ભાષા ન કહી શકાય
યુટ્યુબ ચેનલ TVF ની વેબ સિરીઝ કોલેજ રોમાન્સ રિલીઝ થઈ ત્યારથી ઘણી ચર્ચામાં છે. જણાવી દઈએ કે આ સિરીઝમાં અભદ્ર ભાષાનો ઉપયોગ કરવામાં આવ્યો છે, જેના કારણે તેના કલાકાર અને નિર્માતા વિરુદ્ધ FIR દાખલ કરવામાં આવી હતી અને સીરિઝના કલાકારોએ કોર્ટનો સંપર્ક કર્યો હતો. હવે તે સુનાવણીનો ચુકાદો આવી ગયો છે.
આવા શોથી યુવાનોનું મગજ બગડશે
નોંધનીય છે કે દિલ્હી હાઈકોર્ટે OTT પ્લેટફોર્મ TVF પર પ્રસારિત વેબ સીરિઝ 'કોલેજ રોમાન્સ' માં વાપરવામાં આવેલ ભાષાને ગંદી, અપવિત્ર અને અશ્લીલ માનતા તેના સામે થઈ રહેલ કાર્યવાહીને યોગ્ય ઠેરવી છે. કોર્ટે કહ્યું કે આવા શોથી યુવાનોનું મગજ બગડશે. જણાવી દઈએ કે જસ્ટિસ સ્વર્ણકાંતા શર્માની સિંગલ જજની બેન્ચના જણાવ્યા અનુસાર, સીરિઝમાં વપરાયેલી ભાષા એટલી અશ્લીલ હતી કે તેની ચેમ્બરમાં અન્ય લોકો સાથે બેસીને તેને સાંભળવું શક્ય નહતું.
જજે કહ્યું ખૂબ જ ખરાબ ભાષાનો ઉપયોગ કર્યો છે
આ કેસમાં સુનાવણી દરમિયાન જજ સ્વર્ણકાંતા શર્માનું કહેવું છે કે ' આ સીરિઝ જોવા માટે ઈયરફોનનો ઉપયોગ કરવો પડ્યો હતો. આ સીરિઝમાં ઘણી બધી અભદ્ર ભાષાનો ઉપયોગ કરવામાં આવ્યો છે, જેના કારણે તમે તમારી આસપાસના લોકો સાથે બેસીને સાંભળી શકતા નથી કારણ કે જે સાંભળશે તે પણ ચોંકી જશે. ' સાથે જ કેન્દ્ર સરકારે આ મામલાને લઈને કહ્યું કે અશ્લીલ ભાષા સાથે આ પ્રકારના વિષય સામે નિયમો વધુ કડક બનાવવાની જરૂર છે.
— VTV Gujarati News and Beyond (@VtvGujarati) March 9, 2023
આવી ભાષાને દેશમાં બોલવામાં આવતી સામાન્ય ભાષા ન કહી શકાય
આ વિશે નિર્ણય સાંભળવતા કોર્ટે કહ્યું હતું કે, ' અદાલત આ વાત નોટ કરે છે સીરિઝમાં વપરાયેલ એ ભાષા નથી જે દેશના યુવાઓ બોલે છે. આવી ભાષાને આપણા દેશમાં બોલવામાં આવતી સામાન્ય ભાષા ન કહી શકાય. ન્યાયાધીશે ચુકાદો આપ્યો હતો કે TVFના સિરીઝ ડિરેક્ટર સિમરપ્રીત સિંહ અને અભિનેત્રી અપૂર્વા અરોરા ઈન્ફોર્મેશન ટેક્નોલોજીની કલમ 67 (ઈલેક્ટ્રોનિક સ્વરૂપમાં લૈંગિક રીતે સ્પષ્ટ સામગ્રીનું પ્રકાશન અથવા પ્રસારણ) અને 67A (ઈલેક્ટ્રોનિક સ્વરૂપમાં લૈંગિક સ્પષ્ટ સામગ્રીનું પ્રકાશન અથવા પ્રસારણ) હેઠળ ગુના માટે દોષિત અને જાતીય અપરાધો માટે સજા હેઠળ કાર્યવાહીનો સામનો કરવા માટે જવાબદાર છે. જોકે, આ કેસમાં કોર્ટે કોઈની ધરપકડ કરવાનો ઈન્કાર કરી દીધો છે.
જજ કાંતાએ વધુમાં કહ્યું હતું કે આવી ભાષા દેશના યુવાનો માટે યોગ્ય નથી અને આવી ભાષા આપણા દેશની સામાન્ય ભાષા નથી. ચુકાદો આપતી વખતે કોર્ટે કહ્યું કે આ સીરીઝ હજુ પણ યુટ્યુબ પર હાજર છે અને જ્યાં સુધી લોકો તેને જોઈ રહ્યા છે. તેથી કોર્ટે આ અંગે જરૂરી પગલાં લેવા આદેશ કર્યો છે.
FIR ચાલુ રાખવાનો આદેશ
જણાવી દઈએ કે આ મામલામાં કહેવામાં આવ્યું હતું કે સિરીઝના પાંચમા એપિસોડમાં અભદ્ર ભાષાનો ઉપયોગ કરવામાં આવ્યો છે. છોકરીઓ માટે પણ ખોટા શબ્દો અને તેમને ખોટી રીતે રજૂ કરવામાં આવી હતી. વર્ષ 2019 માં આ સીરિઝના કલાકારો અને નિર્માતા વિરુદ્ધ એફઆઈઆર નોંધવામાં આવી હતી અને હજુ પણ આ એફઆઈઆર ચાલુ રાખવાનો આદેશ આપવામાં આવ્યો છે.