લાંબા સમયથી બીમાર રાશિદ ખાનનાં માતાનું ગુરુવારે નિધન થઇ ગયું. ટ્વીટર ભાવુક પોસ્ટ દ્વારા તેમણે બધાને આ જાણકારી આપી જે બાદ સોશિયલ મીડિયામાં ઘણા બધા લોકોએ સંવેદના વ્યક્ત કરી હતી.
ગુરુવારે સ્ટાર ક્રિકેટર રાશિદની માતાનું નિધન
સોશિયલ મીડિયામાં શેર કરી ભાવુક પોસ્ટ
IPLમાં પ્રખ્યાત છે રાશિદ ખાન
માતાના નિધનથી રાશિદ ખાના શોકમગ્ન
અફઘાનિસ્તાનના સ્ટાર લેગ સ્પિનર રાશિદ ખાનની માતાનું ગુરુવારે અવસાન થઇ ગયું, તેમની માતા લાંબા સમયથી બીમાર હતા. તેમણે ટ્વીટ કરીને માતાના અવસાનની જાણકારી આપી. રાશિદ ખાન આઈપીએકમાં સનરાઈઝર્સ હૈદરાબાદ તરફથી રમે છે અને અફઘાનિસ્તાનની ટીમમાં મોટા સિતારાઓમાં તેમનું નામ આવે છે. આંતરરાષ્ટ્રીય ક્રિકેટ જગતમાં રાશિદ એક પ્રતિભાશાળી ખેલાડી છે.
માતાનાં નિધન બાદ રાશિદ ખાને ટ્વીટ કરીને કહ્યું કે 'તમે ઘર હતા મા, મારી પાસે ઘર ન હતું પણ તમે હતા. મને વિશ્વાસ નથી થઇ રહ્યું કે હવે તમે મારી સાથે નથી. હું તમને હંમેશા યાદ કરીશ. Rest In Peace #MOTHER
રાશિદ ખાનની ભાવુક ટ્વીટ બાદ ઘણા બધા ચાહકોએ પણ પોતાની સંવેદના અને શોક વ્યક્ત કર્યું હતું. રાશિદ ખાન 21 વર્ષના છે અને વર્ષ 2018માં જ તેમણે પિતાને ગુમાવ્યા છે. વર્ષ 2019માં રાશિદને અફઘાનિસ્તાન ટીમના કેપ્ટન બનાવવામાં આવ્યા હતા જોકે બાદમાં અસગર અફઘાનની આ પદ પર વરણી કરવામાં આવી.
વર્ષ 2017માં IPLમાં ધમાકેદાર એન્ટ્રી બાદથી જ રાશિદ ખાન બધા ખેલાડીઓ પર ભારે પડી રહ્યા હતા. તેમણે દુનિયાની ઘણી બધી ટૂર્નામેન્ટમાં પોતાની બોલિંગથી બધાને ચકિત કરી દીધા. ટી 20 ક્રિકેટમાં સૌથી શ્રેષ્ઠ સ્પિનરમાં રાશિદનું નામ સામેલ છે.