ક્રિકેટ / ગુજરાતના આ સ્ટાર ક્રિકેટરે કહ્યું એક સમય હતો મારી પાસે એક જોડી જ જૂતાં અને એક ટી-શર્ટ હતી

• જસપ્રીત બુમરાહે સંઘર્ષના દિવસોની વાત શેયર કરી
• 25 વર્ષીય બુમરાહ લોઅર બેકમાં સ્ટ્રેસ ફ્રેક્ચરને પગલે ટીમથી બહાર છે
• જસપ્રીત બુમરાહે કહ્યું - મારે એક જ ટી-શર્ટને રોજ ધોવી પડતી હતી

બુધવારે બુમરાહે જણાવ્યું કે એક સમય હતો જ્યારે તેની પાસે માત્ર એક જોડી ટીશર્ટ અને એક જોડી જુતા જ હતા. ભારતીય ટીમના સ્ટાર પેસર બનતા પહેલા આ બોલરે ઘણો સંઘર્ષ કર્યો છે. બુમરાહ માત્ર 5 વર્ષના હતા જ્યારે તેમના પિતાનું મૃત્યું થઇ ગયું. ત્યારબાદ તેમના પરિવારને આર્થિક રૂપે ઘણી મુશ્કેલીઓનો સામનો કરવો પડ્યો. 

25 વર્ષીય બુમરાહ લોઅર બેકમાં સ્ટ્રેસ ફ્રેક્ચરને પગલે ટીમથી બહાર છે. માનવામાં આવી રહ્યું છે કે, તે ડિસેમ્બરમાં વાપસી કરી શકે છે. હાલ બુમરાહ લંડનમાં પોતાની ઇજાનો ઇલાજ કરાવી રહ્યા છે. તેમની માતા દલજીત બુમરાહે પણ સંઘર્ષના એ દિવસોને યાદ કર્યા છે. મુંબઇ ઇન્ડિયન્સે બુધવારે પોતાના ટ્વિટર હેન્ડલ પર એક વીડિયો શેયર કર્યો છે જેમા બુમરાહના સંઘર્ષની વાત રજૂ કરાઇ છે. 

આ વીડિયોમાં તેમની માતા કહે છે, 'આ (જસપ્રીત) પાંચ વર્ષનો હતો જ્યારે મારા પતિનું દેહાંત થઇ ગયું હતું.' ત્યારબાદ બુમરાહ કહે છે, 'બાદમાં અમે કંઇપણ અફોર્ડ કરી શકતા નહોતા. મારી પાસે એક જોડી જૂતા અને ટી-શર્ટ જ હતા. મારે એ ટી-શર્ટને રોજ ધોવી પડતી હતી.' 

“Talent can come from anywhere and reach the pinnacle of success.”

📹 Watch the transformational journey of @Jaspritbumrah93 from a rookie to a world-beater 🏆#OneFamily #CricketMeriJaan #LeaderInSport #LeadersWeek #NitaAmbani @ril_foundation pic.twitter.com/hFUqvQnHSv

— Mumbai Indians (@mipaltan) October 9, 2019

બુમરાહ યાદ કરતા કહે છે, 'બાળપણમાં તમે સાંભળતા રહો છો કે, એક દિવસ લોકો આપને જોવા આવશે અને આપની પસંદગી કરવામાં આવશે. મારી સાથે પણ ખરેખર એવું જ બન્યું.' તેમની માતા કહે છે કે, 'જ્યારે મેં પહેલી વાર જતપ્રીતને આઇપીએલ રમતા ટીવી પર જોયો, હું મારા આંસૂ ન રોકી શકી. તેણે મને આર્થિક અને શારીરિક રૂપે સંઘર્ષ કરતો જોઇ છે'.

બુમરાહને મુંબઇ ઇન્ડિયન્સના ટેલેન્ટ સ્કાઉટમાં જૉન રાઇટે પંસદ કર્યો હતો. રાઇટે તેમને સૈયદ મુશ્તાક અલી ટૂર્નામેન્ટમાં રમતા જોયો હતો અને ત્યારબાદ તેમને 2013માં મુંબઇ ઇન્ડિયન્સ માટે ઇન્ડિયન પ્રીમિયર લીગમાં રમવાની તક મળી. આજે બુમરાહ વનડે ઇન્ટરનેશનલમાં નંબર વન બોલર છે.