વિશ્વ / 'મેં એલન મસ્કના 13માં બાળકને જન્મ આપ્યો...' ફેમસ મહિલા રાઈટરનો મોટો દાવો

MAGA-સમર્થક લેખક અને કટારલેખક એશલી સેન્ટ ક્લેરે દાવો કર્યો છે કે તેને પાંચ મહિના પહેલા એલોન મસ્કના 13મા બાળકને જન્મ આપ્યો હતો. તેને X પર લખ્યું છે કે "પાંચ મહિના પહેલા મેં એક બાળકને જન્મ આપ્યો. એલોન મસ્ક તેના પિતા છે." તેને વધુમાં કહ્યું કે "તેના બાળકની સુરક્ષા અને ગોપનીયતા માટે અત્યાર સુધી આ વાત દબાવીને રાખી હતી પરંતુ હવે મીડિયા તેનો પર્દાફાશ કરવા જઈ રહ્યું છે.

• એલોન મસ્કની પ્રતિક્રિયા

એશલી સેન્ટ ક્લેરે મીડિયાને અપીલ કરી કે તેઓ તેમના બાળકની ગોપનીયતાનું સન્માન કરે અને કોઈ દખલગીરી ન કરે. એલોન મસ્કે તેનો સીધો જવાબ આપ્યો નથી પરંતુ X પર એક યુઝરની ટિપ્પણી "બીજું બાળક કરવું તે એક માત્ર સાઈડ કવેસ્ટ છે" તેના પર હસતુ ઇમોજી પોસ્ટ કર્યું હતું:

• શું કહી રહ્યા છે મહિલાના પડોશીઓ ?

સેન્ટ ક્લેર છેલ્લા એક વર્ષથી ન્યૂ યોર્કના મેનહટનમાં એક મોંઘા એપાર્ટમેન્ટમાં રહે છે, જેનું માસિક ભાડું $12,000 થી $15,000 (લગભગ 10-12 લાખ રૂપિયા) ની વચ્ચે હોવાનું કહેવાય છે. તેના એપાર્ટમેન્ટના રહેવાસીઓ કહે છે કે તે બિલ્ડિંગમાં ટેસ્લા સાયબરટ્રક ખરીદનારા પહેલા લોકોમાંની તે એક હતી.

• બાળકની સંભાળ રાખવા માટે આયા

તેમને સુરક્ષા વધારવા માટે રિંગ ડોરબેલ કેમેરા ઇન્સ્ટોલ કર્યો છે, બિલ્ડિંગમાં પહેલાથી સુરક્ષા છે તેમ છતાં. તે બિલ્ડિંગ સ્ટાફ સાથે બહુ ઓછી વાત કરતી હતી અને ડિલિવરી પેકેજો તેના દરવાજાની બહાર ખુલ્લા પડ્યા રહેતા હતા. એવું કહેવાય છે કે તે એક નાના બાળક અને મસ્કના કથિત બાળકનો ઉછેર કરી રહી છે, જેની સંભાળ રાખવા માટે એક ફૂલ ટાઈમ આયા રાખવામાં આવી છે.

વધુ વાંચો : હવેથી આ દેશમાં ટ્રાન્સજેન્ડર સૈનિક નહીં બની શકે, તાત્કાલિક ધોરણે સેનાએ મૂક્યો પ્રતિબંધ

• એલોન મસ્ક 12 બાળકોના પિતા
  એલોન મસ્કને પહેલાથી જ ત્રણ મહિલાઓ (જસ્ટિન વિલ્સન, ગ્રીમ્સ અને શિવોન ગિલિસ) થી 12 બાળકો છે. તેઓ ગર્ભાવસ્થા દરમિયાન કેમેરા સામે આવવાનું અને જાહેર કાર્યક્રમોમાં હાજરી આપવાનું  ટાળતી હતી. જોકે તેને બાળકના જન્મ પછી માર-એ-લાગો (ટ્રમ્પના કાર્યક્રમ) માં હાજરી આપી હતી. બાદમાં તેને અમેરિકાના રાજનેતાઓ મેટ ગેટ્ઝની પત્ની, જીંજર GOP પ્રવક્તા એલિઝાબેથ પિપકો, વિવેક રામાસ્વામી અને કાશ પટેલ જેવા યુએસ રાજકારણીઓ સાથે જોવા મળેલ.