એક મહિલાએ પોતાનો સામાન મૂકી સીટ રોકી લીધી તો અન્ય એક મહિલાએ વાંધો ઉઠાવતા મામલો બીચક્યો
મેટ્રો ટ્રેનનો વિડીયો વાયરલ, સીટ પર બેસવાને લઈ બે મહિલાઓ વચ્ચે બોલાચાલી
મહિલાએ તેનો સામાન સીટ ઉપર મૂકી દીધા બાદ અન્ય મહિલા સાથે માથાકૂટ
આ દરમ્યાન એક મહિલાએ કહ્યું, હું CISFને બોલાવું છું
સોશિયલ મીડિયામાં અવાર-નવાર અનેક વિડીયો વાયરલ થતાં હોય છે. જોકે હાલમાં જ મેટ્રો ટ્રેનનો એક વિડીયો ઝડપથી વાયરલ થઈ રહ્યો છે. વાત જાણે એમ છે કે, મેટ્રો ટ્રેનમાં સીટને લઈને બે મહિલાઓ વચ્ચે ઝઘડાનો વીડિયો સોશિયલ મીડિયા પર વાયરલ થઈ રહ્યો છે.
વીડિયોમાં એક મહિલા સીટ પર બેઠી છે, જ્યારે તેની બેગ તેની બાજુની સીટ પર રાખવામાં આવી છે. બીજી સ્ત્રી આવે છે અને તે સીટ પર બેસવાનું કહે છે. આ બાબતે બંને વચ્ચે બોલાચાલી થઈ હતી. જોકે સીટ પર અન્ય એક મહિલાની બેગ પણ રાખવામાં આવી છે.
શું છે સમગ્ર મામલો ?
સોશિયલ મીડિયામાં આ વીડિયોને pratibha.sharma_09 નામના યુઝરે ઈન્સ્ટાગ્રામ પર શેર કર્યો છે. જોકે વીડિયોને 1.5 કરોડથી વધુ વ્યૂઝ મળ્યા છે, જ્યારે 4 લાખ યુઝર્સે તેને લાઈક કર્યો છે. pratibha.sharma_09 એ વીડિયોનું કેપ્શન લખ્યું- 'આ મેડમ જીને પણ મેટ્રોમાં બેગ રાખવા માટે સીટની જરૂર છે.'
વીડિયોમાં જોવા મળી રહ્યું છે કે, પીળી-સફેદ સાડી પહેરેલી મહિલા બેઠી છે, તેની બાજુની સીટ પર બેગ રાખવામાં આવી છે. આ દરમ્યાન બીજી મહિલા આવે છે અને તેણે ખાલી સીટ પર બેસવાનું કહ્યું હતું. જોકે પહેલેથી જ બેઠેલી મહિલા કહે છે, 'અમારી પાસે સીટ નથી, માફ કરજો... જ્યાં સીટ જુઓ ત્યાં બેસો.' બીજી મહિલા સીટ પર બેસવાનો પ્રયત્ન કરે છે, પરંતુ પ્રથમ મહિલા તેને કહે છે કે, ઓછામાં ઓછું મારી ઉપર તો ના બેસો.
તમે સીટ રિઝર્વ કરી શકતા નથી: મહિલા
આ દરમ્યાન બીજી મહિલા કહે છે - તમે સીટ રિઝર્વ કરી શકતા નથી, જેના પર પીળી-સફેદ સાડી પહેરેલી પ્રથમ મહિલા ઉત્સાહથી કહે છે - કરી શકતા નથી ? તો આમને ખોળામાં તો ન બેસાડી શકું ને ? બંને વચ્ચેની ચર્ચા જોઈને અન્ય એક મહિલાએ પણ પીળી-સફેદ સાડીમાં સજ્જ મહિલાને સમજાવવાની કોશિશ કરી પરંતુ તે કંઈ પણ સાંભળવા તૈયાર ન હતી. આ દરમ્યાન બીજી મહિલાએ CISFને ફોન કરવાની વાત કરી હતી.