અમેરિકી રાષ્ટ્રપતિ ડોનાલ્ડ ટ્રમ્પે ગુરુવારે જણાવ્યું હતું કે તે વિશ્વભરમાં કોરોનાવાયરસ ફેલાવાને ધ્યાનમાં રાખીને અમેરિકા ચીન સાથેના તમામ સંબંધોને તોડવાના વિકલ્પ પર પણ વિચારણા કરી રહ્યું છે. ટ્રમ્પે ફોક્સ બિઝનેસ ન્યૂઝને આપેલા ઇન્ટરવ્યુમાં કહ્યું, 'આપણે ઘણી વસ્તુઓ કરી શકીએ છીએ. આપણે બધા સંબંધોને તોડી શકીએ. બીજી તરફ, ચીને અમેરિકાના આક્ષેપોને 'હલકી માનસિકતા' ગણાવ્યું હતુ અને કહ્યું હતું કે આ બધુ કરવાને બદલે દેશમાં ફેલાઈ રહેલા રોગચાળાથી લોકોને બચાવવા ધ્યાન આપવું જોઈએ.
ચીનને અમેરિકાએ ચોર કરી ધમકી આપી
ચીને અમેરિકાને જુઠાણુ ન ફેલાવવા કહ્યુ
અમેરિકાએ ચીને તમામ સંબંધો તોડવાની ધમકી આપતા ચીને જવાબ આપ્યો
છેલ્લા ઘણા અઠવાડિયાથી રાષ્ટ્રપતિ પર ચીનની વિરુદ્ધ કાર્યવાહી કરવા માટે દબાણ વધી રહ્યું છે. સાંસદો અને વિચારકોનું કહેવું છે કે ચીનની નિષ્ક્રિયતાને કારણે વુહાનથી દુનિયામાં કોરોના વાયરસ ફેલાયો છે. એક સવાલના જવાબમાં ટ્રમ્પે કહ્યું હતું કે તેઓ અત્યારે ચીનના રાષ્ટ્રપતિ શી જિનપિંગ સાથે વાત કરવા માંગતા નથી. જોકે જિનપિંગ સાથે તેનો સંબંધ સારો છે. ટ્રમ્પે કહ્યું કે ચીને તેમને નિરાશ કર્યા છે. તેમણે એમ પણ કહ્યું હતું કે યુ.એસ.એ ચીને વારંવાર આંતરરાષ્ટ્રીય સમુદાયને વુહાનની પ્રયોગશાળાની મુલાકાત લેવા કોરોના વાયરસની ઉત્પત્તિની તપાસ માટે પરવાનગી આપવા જણાવ્યું છે, પરંતુ તે સ્વીકાર્યું નથી.
ચીને અમેરિકાના દાવાને જુઠા ગણાવ્યા
ચીને કોરોના સંબંધીત શોધ અને રસી સામગ્રી ચોરવાનો પ્રયાસના અમેરિકાના આરોપોને જુઠ્ઠા ગણાવતા ગુરુવારે રદિયો આપ્યો હતો. ચીને અમેરિકાને કહ્યું કે બીજાને બદનામ કરીને અને બલીનો બકરો બનાવીને આ જીવલેણ વાયરસથી છુટકારો નથી મળવાનો. ચીનના વિદેશ મંત્રાલયના પ્રવક્તા ઝાઓ લિજિયાંગે અમેરિકાના રાષ્ટ્રીય સુરક્ષા સલાહાકાર રોબર્ટ ઓ બ્રાયનને તેને ફગાવી દીધો હતો. ગત 20 વર્ષોમાં ચીનમાંથી 5 મહામારીઓ ઉત્પન્ન થઈ છે. તેમણે કહ્યુ કે અમેરિકાના અધિકારીઓ પોતાને ત્યાં કોરોના સામે લડી રહ્યા છે. એટલા માટે તે પોતાનો દોષ બેઈજિંગ પર થોપી રહ્યા છે.
ચીન હલકી માનસિકતાનો વિરોધ કરે છે
ઝાઓએ કહ્યું, "ચીન આવી હલકી માનસિકતાનો વિરોધ કરે છે." તેમણે આ જવાબ એફબીઆઇ અને યુએસ ગૃહ મંત્રાલયના સાયબર ડિવિઝનના એક અહેવાલમાં આપ્યો છે. રિપોર્ટમાં ચેતવણી આપવામાં આવી છે કે ચીની સરકાર દ્વારા સપોર્ટેડ હેકરો કોરોના વાયરસ સામે લડતા સંશોધનકારોના રિસર્ચ અને રસી બનાવવાની સામગ્રીને પણ ચોરી શકે છે. ઝાઓએ કહ્યું, "જો આપણે ઐતિહાસિક રેકોર્ડ પર નજર કરીએ તો અમેરિકા મોટા ભાગે આવી જાસૂસી પ્રવૃત્તિઓ ચલાવી રહ્યું છે." તેમણે કહ્યું કે યુ.એસ. કરતા ચીને સાયબર એટેક અંગે વધુ ચિંતિત રહેવું જોઇએ કારણ કે કોરોનો વાયરસ સામેના યુદ્ધમાં ચીને નોંધપાત્ર વ્યૂહાત્મક સિદ્ધિઓ હાંસલ કરી છે અને કોવિડ -19 ની સારવાર અને રસી સંશોધનમાં તે મોખરે છે
ઝાઓએ કહ્યું હતું કે ચીનેએ પોતાના સાયબર એટેકના પર નિશ્ચિતપણે તાકીદ કરી છે. તેમણે કહ્યું કે અફવાઓ ફેલાવવી, અન્યને બદનામ કરવા અને બલિનો બકરો બનાવવાથી કોવિડ -19 રોગચાળો દુર નહીં થાય. યુએસના રાષ્ટ્રીય સુરક્ષા સલાહકાર રોબર્ટ ઓ બ્રાયને કહ્યું છે કે સાર્સ, એવિયન ફ્લૂ, સ્વાઇન ફ્લૂ અને કોવિડ -19 ચીનથી આવ્યા છે. આ અંગે ઝાઓએ કહ્યું કે અમેરિકન નેતાઓ બીજાને બદનામ કરવા મૂર્ખ વાતો કરી રહ્યા છે. તેમણે કહ્યું કે ઓ બ્રાયને તથ્યોની યોગ્ય રીતે તપાસ કરવી જોઈએ. ઝાઓએ જણાવ્યું હતું કે મીડિયા અહેવાલો અનુસાર, સ્વાઈન ફ્લૂ 2009 થી યુ.એસ.થી ફેલાવા લાગ્યો હતો. તેમણે કહ્યું, 'રોગચાળો ગમે ત્યારે અને ગમે ત્યાં ફેલાય છે. વૈશ્વિક રોગચાળાનો સામનો કરી રહેલા અમેરિકન નેતાઓ બીજાને દોષી ઠેરવવા આ રીતે નીચે ન પડવુ જોઈએ.