બૉલીવુડ ગપશપ / 'હું ચૂપ છું એટલે લોકો મારા વિશે કઈં પણ બોલી દેશે..?' સરોગેસીના નિર્ણય વિશે ખુલાસો કરતાં પ્રિયંકા ચોપરા ટ્રોલર્સ પર થઈ ગુસ્સે

• પ્રિયંકા ચોપરા અને નિક જોનાસે સરોગસીનો નિર્ણય કેમ લીધો?
• ત્રણ મહિના વહેલો થઈ ગયો માલતીનો જન્મ 
• મને ખબર નહોતી કે માલતિ બચશે કે નહીં - પ્રિયંકા 

પ્રિયંકા ચોપરા અને નિક જોનાસ બોલિવૂડથી લઈને હોલીવુડ સુધી ઘણા લોકોનું ફેવરેટ અને ઘણું ચર્ચિત કપલ છે. બંને એ જાન્યુઆરી 2022માં સરોગસીની મદદથી તેમની દીકરી માલતી મેરીનું સ્વાગત કર્યું હતું અને એ સમયે બંને ઘણા ચર્ચાનો વિષય બન્યા હતા. આ સાથે ઘણા લોકો ઘણી સારી અને સાથે સાથે ખરાબ વાતો પણ કરી રહ્યા હતા. જો કે આટલા સમય પછી હાલ પ્રિયંકા ચોપડાએ તેના એક નવા ઈન્ટરવ્યુમાં જણાવ્યું હતું કે તેણે સરોગસી જ કેમ પસંદ કરી. આ સાથે જ અભિનેત્રીએ એ સમયે થયેલ ખરાબ વાતો પર પણ જવાબ આપ્યો છે.. 

સરોગસીનો નિર્ણય કેમ લીધો?
પ્રિયંકાએ સરોગસી પસંદ કરવા વિશે વધુ વિગતવાર વાત ણથી કરી પણ એમને એમ જણાવ્યું હતું કે આ બધું તબીબી કારણોસર થયું છે. ઈન્ટરવ્યુ દરમિયાન પ્રિયંકા ચોપરાએ કહ્યું હતું કે 'મને ઘણા મેડિકલ કોમ્પલેક્શન થયા હતા... તેથી અમારા માટે આ એક ઘણું મહત્વપૂર્ણ પગલું હતું. હું ખુશ છું કે હું તે તબક્કે હતી, જ્યાં હું આ કરી શકી. અમારી સરોગેટ ખૂબ જ દયાળુ, અદ્ભુત અને રમુજી હતી અને તેને છ મહિના સુધી અમારી આ ખાસ ભેટનું ધ્યાન રાખ્યું હતું.

Born via surrogate at only 28 weeks, baby Malti Marie had the most fragile of arrivals into the world. “I didn’t know if she would make it or not,” @PriyankaChopra tells British Vogue. Read the full interview: https://t.co/wZyATKWu39 pic.twitter.com/P89yqhVcmF

— British Vogue (@BritishVogue) January 19, 2023

જણાવી દઈએ કે માલતીના જન્મનું એલાન કરતાંની સાથે જ પ્રિયંકા ચોપરા ટ્રોલ થવા લાગી અને ઘણા સોશિયલ મીડિયા યુઝર્સ માટે એ વાત પચાવવી મુશ્કેલ હતી કે પ્રિયંકાએ સરોગસીની મદદથી પોતાની બાળકી મેળવી છે. એ સમયે ઘણા લોકોએ ઘણી વાતો કરી હતી અને એ બધી વાતોમાંથી પ્રિયંકા ચોપરાને સૌથી ખરાબ વાત એ લાગી હતી કે પ્રિયંકા અને નિક 'પોતાના બીઝી શેડ્યુઅલને કારણે પ્રેગ્નેટ નહતા થઇ શક્યા.' 

આ અફવાનો જવાબ આપતા પ્રિયંકા ચોપરાએ કહ્યું હતું કે ,'તમે લોકો મને ઓળખતા નથી અને તમે એ પણ નથી જાણતા કે હું કેવી પરિસ્થિતીમાંથી પસાર થઈ છું. મારી મેડિકલ હિસ્ટ્રી કે મારી દીકરીની મેડિકલ હિસ્ટ્રી હું જાહેરમાં જણાવવા નથી માંગતી પણ  તેનો અર્થ એ નથી કે લોકો કઇંક પણ બોલી શકે છે.' 

.@PriyankaChopra has taken the past year off from acting to focus on her favourite role to date: being a mother. It’s a big change of pace. “Now I feel I have a centre, a sense of calm, because every decision ends up being about her.” https://t.co/ZL2EymiOVZ pic.twitter.com/pVTiIiBbo5

— British Vogue (@BritishVogue) January 19, 2023

ત્રણ મહિના વહેલો થઈ ગયો માલતીનો જન્મ 
પ્રિયંકા અને નિકની પુત્રી માલતી મેરીનો જન્મ પ્રી-મેચ્યોર થયો હતો. એક રિપોર્ટ અનુસાર માલતીનો જન્મ તેના જન્મના ટ્રાન મહિના પહેલા થયો હતો અને આવી સ્થિતિમાં પ્રિયંકા અને નિકને ખબર નહોતી કે માલતિ બચશે કે નહીં. પ્રિયંકા ચોપરા અને નિક જોનાસે બાળકીના જન્મ પછી ત્રણ મહિના સુધી કેલિફોર્નિયાની રેડી ચિલ્ડ્રન્સ હોસ્પિટલના ચક્કર લગાવ્યા હતા. જણાવી દઈએ કે માલતીને આ હોસ્પિટલના NICUમાં દાખલ કરવામાં આવી હતી અને માલતીને એ પછી લોસ એન્જલસની સીડર્સ-સિનાઈ હોસ્પિટલમાં રાખવામાં આવી હતી. 

પ્રિયંકા ચોપરાએ આ વિશે કહ્યું હજતું કે 'જ્યારે તે દુનિયામાં આવી ત્યારે હું ઓપરેટિંગ રૂમમાં જ હતી અને એ મારા હાથ કરતા ઘણી નાની હતી. મેં જોયું કે નર્સો શું કરે છે, તે ભગવાનનું કામ કરી રહી છે. નિક અને હું ત્યાં ઉભા હતા જ્યારે તે માલતીને મશીન સાથે જોડતા હતા. મને ખબર નથી કે તેના નાના શરીરને કેટલી મશીનો સાથે જોડવામાં આવ્યું હતું. અમે દરેક દિવસ તેની સાથે વિતાવ્યો છે. ક્યારેક તે મારી છાતી પર હતી તો ક્યારેક નીકની. મને ખબર નહોતી કે તે બચશે કે નહીં.

Love you @TeamPriyanka ❤️🙏🏽😍 https://t.co/VZAYRL8ARf

— PRIYANKA (@priyankachopra) January 5, 2023

જ્યારે પ્રિયંકા દીકરીને ખવડાવતા સમયે ડરી ગઈ હતી
આ સાથે જ પ્રિયંકાએ  જણાવ્યું હતું કે તે કેવી રીતે તે હંમેશા પુત્રી માલતીને લઈને ડરેલી રહે છે. તેને જણાવ્યું હતું કે, 'મેં તેને પહેલીવાર કંઈક ખવડાવ્યું ત્યારે તે તેના ગળામાં ફસાઈ ગયું. મને લાગ્યું કે મએ તેનો ઇવ લઈ લીધો પણ એ પછી પરિવારે મને આ વાત સમજાવી છે. તેમણે કહ્યું કે ક્યારેક બાળકોના ગળામાં ખોરાક ફસાઈ જાય છે. ' તેણે આગળ કહ્યું, 'જ્યારે માલતી ખોરાક ખાય છે, ત્યારે તેની આસપાસ લગભગ સાત લોકો હોય છે. મારી માતા અને તેનો ભાઈ અને પછી નિકનો ભાઈ અને તેના માતા-પિતા.' પ્રિયંકાએ જણાવ્યું કે દીકરી માલતી કોની જેવી લાગે છે. ઘણા લોકો કહે છે કે તે નિક જેવી દેખાય છે પણ હું આ વાત પર વિશ્વાસ નથી કરતી.'