નિવેદન / હરિયાણા અને મહારાષ્ટ્રના પરિણામો પર પ્રિયંકા ગાંધીએ કહ્યું, પાર્ટીના પ્રદર્શનથી ખુશ

• ઉત્તર પ્રદેશમાં સક્રિય પ્રિયંકાએ વિધાનસભા ચૂંટણી પરિણામો પર સંતોષ દર્શાવ્યો
• પ્રિયંકા ગાંધીએ કહ્યું કે તેમણે પરિણામોથી ખુશ છે
• પ્રિયંકા ગાંધીએ વોટ ટકાવારી વધવા પર સંતોષ વ્યક્ત કર્યો

મહારાષ્ટ્રમાં બીજેપી અને શિવસેના ગઠબંધન બહુમતનો આંકડો સરળતાથી પાર કરતા નજરે પડી રહ્યા છે. હરિયાણામાં બીજેપીને સ્પષ્ટ બહુમતી મળતી દેખાઇ રહી નથી. 

પ્રિયંકાએ ચૂંટણી પરિણામો પર ખુશી વ્યક્ત કરી

લોકસભા ચૂંટણી બાદ ઉત્તર પ્રદેશમાં સક્રિય પ્રિયંકાએ વિધાનસભા ચૂંટણી પરિણામો પર સંતોષ દર્શાવ્યો. પ્રિયંકા ગાંધીએ કહ્યું, મેં હાલના ટ્રેન્ડ નથી જોયા, પરંતુ હરિયાણા અને મહારાષ્ટ્ર બંને માટે ખુશ છું. તેની સાથે જ અમને ખુશી છે કે ઉત્તર પ્રદેશમાં પાર્ટીની વોટ ટકાવારીમાં વૃદ્ધિ થઇ છે. નોંધનીય છે કે હરિયાણામાં કોંગ્રેસના પૂર્વ મુખ્યમંત્રી ભૂપેન્દ્ર સિંહ હુડ્ડાએ નાની પાર્ટીઓ સાથે મળીને સરકાર બનાવવાની આશા દર્શાવી છે. 

#WATCH: Congress General Secretary for UP (East) Priyanka Gandhi Vadra in Raebareli says, "I haven't seen the latest trends, really happy at both (Haryana and Maharashtra). We also are happy about the fact that here in UP our vote percentage has increased." pic.twitter.com/WICkvwnUqd

— ANI UP (@ANINewsUP) October 24, 2019

જો વાત કરવામાં આવે ઉત્તરપ્રદેશ પેટા ચૂંટણીના પરિણામોની તો, કોંગ્રેસ કોઇપણ બેઠક પર જીતી રહેલી નજરે પડી રહી નથી. પંરતુ પ્રિયંકા ગાંધીએ વોટ ટકાવારી વધવા પર સંતોષ વ્યક્ત કર્યો. હજુ સુધી કોંગ્રેસ અધ્યક્ષ સોનિયા ગાંધી અને રાહુલ ગાંધી તરફથી પરિણામો પર કોઇ પ્રતિક્રિયા આપી નથી. સૂત્રો અનુસાર, હરિયાણાના વરિષ્ઠ નેતા જલ્દી જ દિલ્હીમાં સોનિયા ગાંધી સાથે મુલાકાત કરશે.