રાજકોટ / બહુ પક્તુ નહીં થવાનું હોં, તમારો ભાઈ હોય તો..: રાજકોટના PSI અને ભાજપ નેતાની કથિત AUDIO ક્લિપ વાયરલ

• વીરપુરના PSI અને ભાજપ નેતાનો ઓડિયો વાયરલ
• ગુજરાતમાં પોલીસ કેમ નેતાઓને નથી કરાવતી નિયમોનું પાલન
• વીરપુરના PSI અને ભાજપ નેતા વચ્ચે સંવાદનો ઓડિયો વાયરલ

કોરોના કાળમાં માસ્ક ન પહેરના તેમજ સોશિયલ ડિસ્ટન્સિંગનું પાલન ન કરનાર પાસેથી પોલીસે પ્રજા પાસેથી જંગી દંડ વસુલ્યો છે પરતું ગુજરાતમાં પોલીસ કેમ નેતાઓને કે તેમના સગાસંબંધિઓને નિયમોનું પાલન નથી કરાવી શકતી તેનું એક ઉદાહરણ સામે આવ્યું છે. રાજકોટ વીરપુરમાં એક કથિત ઓડિયો વાયરલ થયો છે જેમાં પોલીસ અને ભાજપ નેતા વચ્ચે ચર્ચા થઈ રહી છે જેમાં ભાજપ નેતા પોલીસને કહે છે મારો ભાઈ છે એણે માસ્ક નહોંતું પહેર્યું, તો સામે PSI પણ કહે છે તમારો ભાઈ છે તો જવા દઈએ !


નેતાઓના સંબંધિઓને કોઈ નિયમ લાગુ નથી પડતા? 

કોરોના કાળમાં કોરોના સંક્રમણ અટકાવવા માસ્ક જરૂરી છે ત્યારે માસ્ક ન પહેરનાર લોકો પાસેથી પોલીસ દંડ વસુલે છે ત્યારે હાલ એક ઓડિયો વાયરલ થયો છે તે ભારે ચર્ચાનો વિષય બન્યો છે. રાજકોટ વીરપુરમાં પોલીસ અને નેતાઓ દ્વારા જ નિયમોનું પાલન ન કરાવતા હોવાનો ઓડિયો વાયરલ થયો છે, વીરપુરના PSI અને ભાજપના નેતા વચ્ચે ગાળાગાળી થઈ હોવાના કથિત ઓડિયા વાયરલ થયો છે જેમાં ભાજપ નેતા PSI ને કહી રહ્યા છે કે મારો ભાઈ હતો એટલે માસ્ક નથી પહેર્યું તો સામે જવાબમાં PSI કહે છે તમારો ભાઈ હોય તો જવા દઈએ. 

શું નેતાઓના સગા સંબંધીઓને નથી લાગુ પડતા નિયમ?

મહત્વનું છે ઓડિયોમાં સ્પષ્ટ સંભળાય છે કે ભાજપના નેતાના ભાઈએ માસ્ક ન પહેર્યું હોવાથી પોલીસ સામે ભાજપ નેતા રોફ જમાવે છે. ત્યારે સવાલ થાય છે કે શું ભાજપના નેતાઓને કે નેતાઓના સંબંધિઓને કોઈ નિયમો લાગુ નથી પડતા. ? મારો ભાઈ હતો, એણે માસ્ક નહોતું પહેર્યું કહેનાર ભાજપ નેતાના સંબંધિને  કોરોના નહીં થઈ શકે ? નિયમો બધા માટે એક સમાન છે કોરોના કાળમાં નિયમોની ઐસિતૈસી કરનાર રાજકારણીઓ દંડ ભરવાને બદલે રોફ જમાવતા હોય છે જ્યારા સામાન્ય પ્રજાને પોલીસના દમનનો ભોગ બનવું પડતું હોય છે.

વાયરલ વીડિયો બન્યો ટોક ઓફ ઘ ટાઉન

માસ્ક ન પહેરનાર પ્રજા પાસેથી પોલીસ ભારે દંડ વસુલ કરે છે ત્યારે આ ઓડિયો કરી આપે છે કે કોરોના કાળમાં પણ ભાજપ નેતાઓ નિયમો ભંગ કરનાર છોડવવા કેવી રીતે પોતાની વગનો ઉપયોગ કરે છે. ઓડિયોમાં PSI ભાજપ નેતાને કહી રહ્યા છે કે 'તમારો ભાઈ હોય તો જવા દઈએ' હાલ તો સમગ્ર મામલે આ વીડિયો ટોક ઓફ ધ ટાઉન બન્યો છે.