સંકેત 55 કિગ્રા વર્ગમાં રાષ્ટ્રીય રેકોર્ડ પણ ધરાવે છે
ભારતીય વેઇટલિફ્ટર સંકેત મહાદેવ સરગરે શનિવારે બર્મિંઘમમાં રમાઇ રહેલી કોમનવેલ્થ ગેમ્સમાં ભારતની પરચમ લહેરાવી હતી. તેણે પુરુષોની 55 કિગ્રા કેટેગરીમાં સિલ્વર મેડલ જીત્યો. મહારાષ્ટ્રના સાંગલી જિલ્લાના 22 વર્ષીય સરગરે કુલ 248 કિગ્રા વજન ઉંચક્યું હતુ, પણ તેને મલેશિયાના મોહમ્મદ અનીક બિન કાસદાને પાછળ રાખી દીધો હતો, જેણે તેના ત્રીજા અને આખરી પ્રયાસમાં ક્લિન એન્ડ જર્કમાં કુલ 249 કિગ્રા વજન ઉંચક્યું હતુ. તે જ સમયે, શ્રીલંકાના કેડી યોડેગેએ 225 કિગ્રા વજન સાથે બ્રોન્ઝ મેડલ જીત્યો હતો.
જમણા હાથમાં ઈજા થઈ હતી
ભારત માટે તે આસાનીથી ગોલ્ડ મેડલ બની શક્યો હોત, કારણ કે ખેડૂત પરિવારમાંથી આવતા સરગરે શાનદાર શરુઆત કરી હતી અને તેણે સરસાઈ મેળવી લીધી હતી. ક્લીન એન્ડ જર્કમાં પ્રથમ પ્રયાસમાં 135 કિગ્રા વજન ઉંચક્યા બાદ તે બે પ્રયાસમાં 139 કિગ્રા વજન ઉંચકવામાં નિષ્ફળ રહ્યો હતો, જે દરમિયાન તેના જમણા હાથમાં ઈજા થઈ હતી.
मैं खुश हूं लेकिन मैं खुद से नाराज भी हूं क्योंकि मुझे स्वर्ण पदक जीतना था और मैंने स्वर्ण पदक के लिए तैयारी भी की थी। मैं 4 साल से स्वर्ण पदक के लिए तैयारी कर रहा था और स्वर्ण पदक एक कदम की दूरी पर था। मुझे इस पदक के मिलने पर खुशी है कि ये देश का पहला पदक है: संकेत महादेव सरगर pic.twitter.com/88qwkOvOPz
મને ગોલ્ડ ન મળ્યો, જેના કારણે હું નિરાશ થયો
સરગરે ગોલ્ડ જીત્યા બાદ કહ્યું, "મેં ક્લીન એન્ડ જર્કમાં બીજા પ્રયાસ દરમિયાન અવાજ સાંભળ્યો અને વજન ઓછું કર્યું. તે પછી મારા કોચે મારા હાથ પર નજર નાખી. મને ખૂબ જ પીડા થતી હતી, છતાં મેં ત્રીજો તબક્કો પૂરો કર્યો. મેં સુવર્ણ પદક જીતવાનો પૂરો પ્રયાસ કર્યો, પરંતુ હું નિષ્ફળ રહ્યો. "મને ગોલ્ડ ન મળ્યો, જેના કારણે હું નિરાશ થયો. મેં ખૂબ જ પ્રયત્ન કર્યો, પરંતુ ઈજાને કારણે નિષ્ફળ ગયો. તેમણે કહ્યું હતું કે તેઓ પોતાનો રજત ચંદ્રક દેશમાં ચાલી રહેલા 'આઝાદી કા અમૃત મહોત્સવ' ની ઉજવણીમાં સમર્પિત કરશે.
Exceptional effort by Sanket Sargar! His bagging the prestigious Silver is a great start for India at the Commonwealth Games. Congratulations to him and best wishes for all future endeavours. pic.twitter.com/Pvjjaj0IGm
સંકેત 55 કિગ્રા વર્ગમાં રાષ્ટ્રીય રેકોર્ડ પણ ધરાવે છે
મહારાષ્ટ્રના સાંગલીના રહેવાસી સંકેતને વેઇટલિફ્ટિંગ સાથે ઊંડો લગાવ છે. તે ખેલો ઇન્ડિયા યુથ ગેમ્સ 2020 અને ખેલો ઇન્ડિયા યુનિવર્સિટી ગેમ્સ 2020 માં પણ ચેમ્પિયન રહ્યો હતો. સંકેત 55 કિગ્રા વર્ગમાં રાષ્ટ્રીય રેકોર્ડ (કુલ 256 કિગ્રા) પણ ધરાવે છે. સંકેત મહાદેવ સરગરે તાશ્કંદમાં 2021માં યોજાયેલી કોમનવેલ્થ વેઈટલિફ્ટિંગ ચેમ્પિયનશીપમાં પુરુષોની 55 કિગ્રા કેટેગરીમાં ગોલ્ડ મેડલ જીતીને કોમનવેલ્થ ગેમ્સ 2022 માટે ક્વોલિફાય કર્યું હતુ.