લો બોલો / 'હું તો મંદિરે આવેલો...', રિસોર્ટમાં જુગાર રમતા ઝડપાયેલા ભાજપ ધારાસભ્ય જુઓ શું બોલ્યા

• ભાજપના ધારાસભ્યનો મહેફિલા કાંડા મામલો 
• ભાજપના ધાસાસભ્યએ કર્યો પોતાનો સ્વ-બચાવ કર્યો
• રિસોર્ટમાં કસીનો ટાઈપ કોઈનથી જુગાર ધામ ઝડપાયું

UPDATED 
માતર BJP ના MLA જુગાર રમતા ઝડપાવવાનો મામલે હવે ધારાસભ્યનો જામીન પર છૂટકારો થયો

ખેડા જિલ્લાના આવેલા માતરના ધારાસભ્ય જુગાર રમતા ઝડપાયા અને તેમની સાથે અન્ય 26 લોકોની પણ ધરપકડ કરવામાં આવી છે મહત્વનું છે કે પંચમહાલ જિલ્લાના શીવરાજપુર તલાવડી રોડ પર આવેલા જીમીરા રિસોર્ટમાં જુગારધામ ચાલતો હતો જેમાં LCB એ દરોડા પાડ્યા હતા આ મહેફિલા કાંડા બાદ ધારાસભ્યએ પોતાનો સ્વ બચાવ કરતા હોવાનું સામે આવ્યું છે.  

હું તો મંદિરે દર્શન આવેલો, દારૂ તો પીતો જ નથી ક્યારેય : રેડમાં જુગાર રમતા પકડાયેલા ભાજપ ધારાસભ્ય

હું તો મંદિરે દર્શન આવેલો, દારૂ તો પીતો જ નથી ક્યારેય... હાલોલમાં LCBની રેડમાં જુગાર રમતા ઝડપાયેલા ભાજપ ધારાસભ્ય કેસરીસિંહ જુઓ શું બોલ્યા#Panchmahal #vtvgujarati @BJP4Gujarat pic.twitter.com/VXA3gOYLT5

— VTV Gujarati News and Beyond (@VtvGujarati) July 2, 2021

ભાજપના ધાસાસભ્યએ પોતાનો સ્વ-બચાવ કર્યો

ભાજપના ધારાસભ્ય કેસરીસિંહ સોલંકીએ સ્વબચાવ કરતા કહ્યું કે "હું દારૂ પીતો જ નથી, હું તો મંદિરે દર્શન કરવા આવ્યો હતો. અને હું બહાર ઉભો હતોને આમા આવી ગયો. હું દારૂ પીતો જ નથી મારી પર લગાવેલા આરોપ ખોટા છે"

ભાજપના ધારાસભ્ય જુગાર રમતા ઝડપાયા

સમગ્ર મામલા વિશે વાત કરીએ તો નડિયાદ જિલ્લાના માતર બેઠકથી ભાજપના ધારાસભ્ય જુગાર રમતા ઝડપાયા હતા. હાલોલના શિવરાજપુર નજીક આવેલ જીમીરાં રિસોર્ટમાં એલસીબી દ્વારા દરોડા પાડવામાં આવ્યા હતા. પોલીસ દ્વારા તમામ લોકોની અટકાયત કરીને પુછપરછ ચલાવવામાં આવી છે. ત્યારે આમાં ભાજપનાં ધારાસભ્ય કેશરી સિંહ સોલંકી પણ જુગાર રમતા ઝડપાયા છે. 

રિસોર્ટમાં કસીનો ટાઈપ કોઈનથી જુગાર ધામ ઝડપાયું

કેશરીસિંહ ખેડાની માતરના ધારાસભ્ય છે. એલસીબીએ ભાજપના ધારાસભ્ય કેસરીસિંહ સહિત 26 લોકોની ધરપકડ કરી છે. રિસોર્ટમાં કસીનો ટાઈપ કોઈનથી જુગાર ધામ ચાલી રહ્યું હતું.
 

આ ઉપરાંત હાઇપ્રોફાઇલ યુવતીઓ દ્વારા જુગાર રમાડાતો હોવાનું પણ સામે આવ્યું છે.પોલીસે લાખોની કિંમતના મુદ્દામાલ સાથે ધારાસભ્ય અને નબીરાઓને ઝડપી લીધા હતા.

ઝડપાયેલા આરોપીઓમાં સાત મહિલાઓ પણ સામેલ

આ જુગારધામમાં આણંદ, વડોદરા, અમદાવાદના લોકો રિસોર્ટમાં જુગાર રમી રહ્યા હતા અને રિસોર્ટમાંથી દારૂની બોટલ પણ મળી હતી. પોલીસે પોલીસે રૂપિયા 3 લાખથી વધુની રોકડ જપ્ત કરી અને 1 કરોડ 11 લાખની કિંમતના 8 વાહનો અને દારૂની 9 બોટલ જપ્ત કરી છે. ઝડપાયેલા આરોપીઓમાં સાત મહિલાઓ પણ સામેલ હતી. ચાર મહિલાઓ નેપાળની વતની હોવાનો પણ ખુલાસો થયો છે.

હાઈ પ્રોફાઈલ જુગાર ધામનો LCBએ કર્યો પર્દાફાશ

હાઈ પ્રોફાઈલ જૂગાર ધામમાં હજુ પણ કેટલાક રહસ્યો પરથી પરદો ઉંચકાઈ શકે છે. દારૂ,શબાબ અને જૂગારના આ ખેલમાં રૂપલલના પણ હોઈ શકે છે તેને લઈને પોલીસે વધુ તપાસ હાથ ધરી છે. મહત્વનું છે કે ઝડપાયેલી હાઈપ્રોફાઈલ જૂગારના કાંડમાં સાત જેટલી યુવતીઓનો પણ સમાવેશ થાય છે. જેમાંથી ચાર મહિલાઓ નેપાળની હોવાનું સામે આવ્યું છે. 

કસીનો ટાઈપ જુગાર રમાડવામાં આવતો 

તો એવું પણ જાણવા મળ્યું છે કે, રિસોર્ટમાં કસીનો ટાઈપ કોઈનથી યુવતીઓ દ્વારા જુગાર રમાડવામાં આવી રહ્યો હતો. પોલીસે હાલ લાખોને મુદ્દામાસ જપ્ત કર્યો છે અને નબીરોઓની ધરપકડ કરી છે. હાલ ઘટના સ્થળે પાવાગઢ પોલીસ સહિત LCBની ટીમ પણ પણ પહોંચી છે અને કાર્યવાહી હાથ ધરી છે. 


કેસરીસિંહ સાથે જોડાયેલો વિવાદ શું છે?

• ગતવર્ષે રાજ્યસભાની ચૂંટણી વખતે હાઇવોલ્ટેજ ડ્રામા થયો હતો
• મતદાન વખતે ધારાસભ્ય કેસરીસિંહ અચાનક બીમાર થયા
• એમ્બ્યુલન્સમાં મતદાન કરવા પહોંચ્યા હતા કેસરીસિંહ 
• કેસરીસિંહ વતી શંકરસિંહે પ્રોક્સી મતદાન કર્યુ હતું
• કેસરીસિંહની બીમારીને લઇને ખુબ ચર્ચા થઇ હતી
• ખરેખર બીમાર થયા,કે પછી ક્રોસવોટિંગના ડરથી ડ્રામા થયો!
• કેમ કે ગુરૂવારે કેસરીસિંહ સ્વસ્થ હતા
• શુક્રવારે મતદાન શરૂ થયાની થોડી મિનિટ પહેલા જ બીમાર થયા 
• રાજ્યસભાની ચાર બેઠકોની ચૂંટણી હતી
• ચર્ચા એવી થઇ કે ક્રોસ વોટિંગના ડરે ભાજપે કેસરીસિંહ પર વિશ્વાસ જ ન મૂક્યો!
• મતદાન બાદ કોંગ્રેસે વાંધો પણ ઉઠાવ્યો હતો
• ભાજપ-કોંગ્રેસે બેઠકો જીતવા ખુબ પ્રયાસો કર્યા હતા
• દક્ષિણ ગુજરાતના બે ધારાસભ્યો સાથે કોંગ્રેસ સંપર્કમાં હોવાની ભાજપને ખબર હતી!
• બે ધારાસભ્યોને સાચવવા મંત્રી અને નેતાઓને જવાબદારી સોંપાઇ હતી