પ્રેરણાત્મક / મેં લગભગ કુશ્તી છોડવાનું મન બનાવી લીધું હતું પણ પછી PM મોદીએ વિશ્વાસ મૂક્યો: ગોલ્ડ મેડલ લાવનાર વિનેશ ફોગાટ

• વિનશ ફોગાટે કોમનવેલ્થ ગેમ્સમાં ગોલ્ડ જીતીને શાનદાર વાપસી કરી હતી 
• વડાપ્રધાન નરેન્દ્ર મોદી તેમને જીતવા માટે પ્રેરણા આપી 
• હું વિનેશ 2.0 રીલોડેડ છું એમ કહી શકો છો 

ટોક્યો ઓલમ્પિક્સમાં ખરાબ પ્રદશન કરનાર પહેલવાન વિનશ ફોગાટે કોમનવેલ્થ ગેમ્સમાં તેનો દબદબો કાયમ રાખતા ગોલ્ડ જીતીને શાનદાર વાપસી કરી છે. વીનેશ માટે છેલ્લા 12 મહિના ઘણા તણાવ ભર્યા રહ્યા હતા પણ પરિવારનો સાથ મળવા પર અને તેની પ્રેક્ટિસમાં બદલવા કરવાને કારણે એમનું કરિયર કરી સારા ટ્રેક પર ચઢી ગયું છે. ટોક્યો ઓલમ્પિક્સમાં ટોચની ક્રમાંકિત ખેલાડી તરીકે પંહોચેલી વિનેશ પહેલા જ રાઉન્ડમાં હારીને બહાર થઈ ગઈ હતી. એ પછી ઇજા અને કુસ્તી મહાસંઘ સાથે થયેલ અણબનાવને તેને માનસિકરૂપે ઘણી નીચે ધકેલી દીધી હતી. એમને સસ્પેન્ડ પણ કરી દેવામાં આવી હતી. 

Thank you everyone 🫶❤️While I have been privileged to receive overwhelming love and praise from all quarters after my gold medal in Birmingham, I wanted to say a special thanks to a whole lot of people who have stuck with me when things weren't so pleasant. 1/5 pic.twitter.com/ETJ5Df7G0l

— Vinesh Phogat (@Phogat_Vinesh) August 11, 2022

મેડલ જીતવાની આશા પર પાણી ફરી વળ્યા 
વિનેશ ફોગાટે શનિવારે કહ્યું હતું કે ટોક્યોમાં ઓલિમ્પિકમાં સતત બીજી વખત મેડલ ગુમાવ્યા બાદ તેણે કુસ્તી છોડી દેવાનું મન બનાવી લીધું હતું, પરંતુ વડાપ્રધાન નરેન્દ્ર મોદી સાથેની વાતચીતે તેને આગળ વધવા માટે પ્રેરણા આપી હતી. 2016 રિયો ઓલિમ્પિકમાં ક્વાર્ટર ફાઈનલમાં ઘૂંટણની ઇજા થઈ હતી અને એ ઇજા એ તેની મેડલ જીતવાની આશાને તોડી નાખી હતી. જણાવી દઈએ કે વિનેશ ફોગાટ તેના વેઇટ કેટેગરીમાં વર્લ્ડ નંબર રેસલર તરીકે ઉતરી હતી.

ફરી કરી ધમાકેદાર વાપસી 
27 વર્ષની વીનેશને ગયા વર્ષે કોણીની સર્જરી કરાવી પડી હતી અને એ પછી પ્રેક્ટિસની રીત બદલવી પડી હતી. એમને અંડર-15 વર્ગના છોકરાઓ સાથે પ્પ્રેક્ટિસ શરૂ કરી હતી. એમને શનિવારે 53 કિલો કેટેગરીમાં ગોલ્ડ મેડલ જીત્યા પછી કહ્યું હતું કે, 'મારી પ્રેક્ટિસ હાલ સાચી ચાલી રહી છે અને હવે માનસિક રૂપે પણ હું સારું મહેસુસ કરું છું. મેં અહિયાં સુધી પંહોચવા માટે કેટલી મહેનત કરી છે એ બસ હું જ જાણું છું. છેલ્લા 12 મહિનામાં જે કર્યું એ બધુ બરાબર હતું, મેડલ જોઈને મને હવે એવું લાગી રહ્યું છે.' 

વિનેશ 2.0 રીલોડેડ
સ્ટાર કુસ્તીબાજ વિનેશ ફોગાટે કહ્યું હતું કે, "ચોક્કસ, તમે મને કહી શકો છો કે હું વિનેશ 2.0 રીલોડેડ છું. હું માનસિક રીતે ઘણા મોટા 'અવરોધ' ને પાર કરી શકી છું. મેં લગભગ કુસ્તી છોડી દીધી કારણ કે હું બે ઓલિમ્પિકમાં મેડલ જીતી શકી નહતી. કોઈપણ ખેલાડીઓ માટે ઓલિમ્પિક્સ એ એક ઘણું મોટું સ્ટેજ હોય છે. આ અવરોધોને દૂર કરવા માટે મારા પરિવારે હંમેશા મારો સાથ આપ્યો હતો, તેઓ એ હંમેશા મારી ક્ષમતામાં વિશ્વાસ રાખ્યો અમે મને મોટીવેટ કરતાં રહ્યા હતા.'

Thank you so much sir 🙏🇮🇳 https://t.co/FllrFMeQ9g

— Vinesh Phogat (@Phogat_Vinesh) August 11, 2022

મારામાં ફરી હિંમત આવી ગઈ 
વિનેશ ફોગાટે આગળ જણાવ્યું હતું કે "જ્યારે હું નિરાશ હતી ત્યારે હું મોદીજી ને મળી હતી અને એમને જ મને પ્રેરણા આપી. એ સમયે એમને મને કહ્યું હતું કે અમને તમારા પર વિશ્વાસ છે તમે કરી શકો છો.' બસ એમના એ શબ્દોથી જ મારામાં ફરી હિંમત આવી ગઈ હતી.'