ઑટો / Hyundai Venue લોન્ચ, કિંમતથી માઇલેજ સુધી, જાણો તમામ ડિટેલ્સ

Hyundai Venueની શરૂઆતી કિંમત 6.50 લાખ રૂપિયા છે. Hyundaiની પહેલી કોમ્પેક્ટ SUV કાર છે, એટલુ જ નહી બ્લૂલિંક ટેક્નોલોજી ધરાવતી પણ આ પહેલી કાર છે, જેને Hyundaiએ ભારતની પહેલી કનેક્ટેડ SUVના નામથી રજૂ કરી છે. 

Hyundai Venueમાં 2 પેટ્રોલ અને 1 ડિઝલ એન્જિનનો ઑપ્શન છે. એક 1.2 લિટરનું પેટ્રોલ એન્જિન છે, જે 82bhp પાવર  અને 114 પીક ટોર્ક જનરેટ કરે છે. બીજું એન્જિન 1.4 લિટર ડિઝલ એન્જિન છે, જે 89 bhpનો પાવર અને 220 Nm પીક ટોર્ક જનરેટ કરે છે. ત્રીજું 1.0 લિટર ટર્બોચાજર્ડ પેટ્રોલ એન્જિન છે, જે 118 bhp પાવર અને 172 Nm પીક ટોર્ક જનરેટ કરે છે. 1.2 લિટરવાળા પેટ્રોલ એન્જિનમાં 5 સ્પીડ મેન્યુઅલ ગિયરબોક્સ  અને 1.4 લિટર ડિઝલ એન્જિનમાં 6 સ્પીડ મેન્યુઅલ ગિયરબોક્સ છે. 1.0 લિટર ટર્બોચાજર્ડ પેટ્રોલ એન્જિન સાથે 6 સ્પીડ મેન્યુઅલ અને 7 સ્પીડ ડ્યૂઅલ ક્લચ ટ્રાન્સમિશનનો ઓપ્શન પણ અપાયો છે.

Venueની ડિઝાઇન ખાસ્સી બોલ્ડ છે. SUVમાં કેસકેડિંગ ગ્રિલ, નવા હેડલેમ્પ્સ, પ્રોજેક્ટર ફોગ લેમ્પ, એલઈડી ટેલલેમ્પ્સ  અને 16 ઇંચ ડાયમંડ કટ અલૉય વ્હીલ અપાયા છે. સાઈડમાં સ્ટ્રોંગ કેરેક્ટર લાઈન્સ તેના લૂકને સ્પોર્ટી બનાવે છે. SUVમાં પ્રીમિયમ લેસર લાઇટ કટ ફિનિશ ડેશબોર્ડ અને ફેબ્રિક અને લેધર ફિનિશ સીટ્સ અપાઇ છે, જે કેબિનને પ્રીમિયમ ફિલ આપે છે. આ ઉપરાંત, તેમાં સ્લાઇડિંગ ફ્રન્ટ આર્મ રેસ્ટ અને કપ હોલ્ડર સાથે રિયર સેન્ટર આર્મ રેસ્ટ અપાયુ છે. Venueમાં 350 લિટરની બૂટ સ્પેસ છે.

Hyundai Venue SUVના શાનદાર ફિચર્સથી સજ્જ છે. તેમાં ઈલેક્ટ્રીક સનરુફ, એપલ કારપ્લે અને એન્ડ્રોઈડ ઓટો સાથે 8 ઈંચ ટચસ્ક્રીન ઈન્ફોટેનમેન્ટ સિસ્ટમ, ઓટોમેટિક ક્લાઈમેટ કંટ્રોલ, રિયર એસી વેન્ટ્સ અને વાયરલેસ ચાર્જિંગ જેવા ફિચર્સ છે. સેફ્ટીની વાત કરીએ તો આ કારમાં ઇબીડી સાથે SBS, 6 એરબેગ્સ, રિઅર પાર્કિંગ સેન્સર્સ, રિઅર કેમેરા, ઈએસસી અને હિલ લોન્ચ આસિસ્ટ જેવા ફિચર્સ છે. 

Hyundai Venueની ટક્કર ટાટા નેક્સૉન, ફોર્ડ ઈખોસ્પોર્ટ, મહિન્દ્રા એક્સયૂવી300 અને આ સેગમેન્ટની બોસ મારૂતિ વિટારા બ્રેઝ સાથે થશે. ભારતીય માર્કેટમાં મારુતિને દરેક સેગમેન્ટમાં ટક્કર આપનારી Hyundai પાસે સબ કોમ્પેક્ટ SUV સેગમેન્ટમાં મારૂતિની ટક્કરમાં કોઇ પ્રોડક્ટ નથી. Hyundai Venueના લોન્ચિંગ સાથે આ કમી પૂરી થઇ ગઇ છે.