ભારતીય બજારો માટે હ્યુન્ડાઈ ઈલેક્ટ્રિક કાર પર કામ કરી રહ્યું છે.
Hyundai ભારતમાં લોન્ચ કરવા જઈ રહી છે નવી કાર
ઈલેક્ટ્રિક કાર લોન્ચ કરશે હ્યુન્ડાઈ
સસ્તી કાર લઈને આવી રહ્યું છે હ્યુન્ડાઈ
હવે દક્ષિણ કોરિયાની દિગ્ગજ વાહન નિર્માતા કંપની હ્યુન્ડાઈ (Hyundai)પણ ભારતીય બજારો માટે એક ખૂબ જ સસ્તી ઈલેક્ટ્રિક કાર પર કામ કરી રહી છે. મીડિયા રિપોર્ટ્સ અનુસાર હ્યુન્ડાઈએ આ વાતની પુષ્ટિ કરી છે કે તે ભારતીય બાજારો માટે એક એવા ઈલેક્ટ્રિક મોડલ પર કામ કરી રહ્યું છે. જોકે કંપનીએ પોતાની આવનારી કાર વિશે વધારે માહિતી નથી આપી. પરંતુ તેને આવનાર ત્રણ વર્ષો એટલે કે 2024 સુધીમાં લાવવાની યોજના છે.
4 મીટરથી નાની હશે કાર
રિપોર્ટ અનુસાર આ દરેક 4 મીટરથી નાની ગાડીઓ હશે. એક SUV બોડીની સાથે તેમાં 300 કિમીથી વધારેની રેન્જ મળવાની સંભાવના છે. આ ઈલેક્ટ્રિક કારમાં ડીસી ફાસ્ટ ચાર્જિંગની સુવિધા પણ મળી શકે છે. ફિચર્સની વાત કરવામાં આવે તો તેમાં ડિજિટલ ડિસ્પ્લે, કનેક્ટેડ કાર ટેક અને ઘણા સેફ્ટી ફિચર્સ પણ મળી શકે છે.
સસ્તી કાર માટે શું કહ્યું કંપનીના MDએ?
હ્યુન્ડાઈ મોટર ઈન્ડિયાના MD એસએસ કિમે જણાવ્યું કે, "અમે મેડ ઈન ઈન્ડિયા ઈલેક્ટ્રિક કારનું નિર્માણ કરી રહ્યા છીએ. જો સરકાર કમ્પલીય બિલ્ટ યુનિટ (CBU) રૂટમાંથી લાવવામાં આવતા વાહનો પર કસ્ટમ ડ્યુટીમાં થોડો ઘટાડો કરે છે તો તેનાથી મોટી મદદ મળશે. તેનાથી અમે ગ્રાહકોની માંગ અનુસાર વાહનોનું વેચાણ કરી શકીશું."
જણાવી દઈએ કે Hyundai ટૂંક સમયમાં જ પોતાની નવી માઈક્રો-SUV Casperને લોન્ચ કરવાની તૈયારીમાં છે. આ એક સબ-4 મીટર એસયુવી છે. રિપોર્ટ અનુસાર હ્યુન્ડાઈ પોતાની નાની એસયુવીને સપ્ટેમ્બર 2021માં કોરિયામાં મોટા પાયે લોન્ચ કરશે. હ્યુન્હાઈની માઈક્રો એસયુવી સાઈઝમાં નેની હશે અને સાથે જ કિંમત પણ ખૂબ ઓછી રહેશે.
આ માઈક્રો એસયુવીને હ્યુન્હાઈએ પોતાના K1 કોમ્પેક્ટ કાર પ્લેટફોર્મ પર તૈયાર કરી છે. રિપોર્ટ અનુસાર એવી અટકળો લગાવવામાં આવી રહી છે કે હ્યુન્ડાઈની નવી સસ્તી કાર ઈલેક્ટ્રિક કાર તેમની આવનાર માઈક્રો એસયુવી કાર Casperનું ઈલેક્ટ્રિક મોડલ હોઈ શકે છે. કંપની પોતાની આગામી કારને ઘરેલુ બજારમાં વેચાણ માટે ઉતારશે અને તેમના બાદ ભારત સહિત અન્ય આંતરરાષ્ટ્રીય બજારોમાં તેમનું વેચાણ થશે.