Hyundaiએ પોતાની લોકપ્રિય નવી Santroએ ફરી એકવખત ભારતમાં લોન્ચ કરી દીધી છે. ઉલ્લેખનીય છે કે સૌથી પહેલા કંપનીએ 23 સપ્ટેમ્બર 1998ના રોજ સેન્ટ્રોને ભારતમાં લોન્ચ કરી હતી ત્યારથી આ કાર ભારતમાં સૌથી સફળ રહી છે. જોકે 2014માં આ કારનું પ્રોડક્શન બંધ કર્યા બાદ હવે કંપનીએ ફરી લોન્ચ કરી છે. કાર લોન્ચિંગ વખતે બોલિવુડનો કિંગખાન શાહરૂખ ખાન પણ હાજર રહ્યો હતો. Hyundai Santroની શરૂઆતી કિંમત 3.89 લાખ રૂપિયા રાખવામાં આવી છે.
જોકે કારનું પ્રી બુકિંગ પણ કંપનીએ શરૂ કરી દીધુ છે. Hyundaiએ નવી Santroનું બુકિંગ 10 ઓક્ટોબરે શરૂ કર્યું હતું. 11000 રૂપિયામાં નવી Santro બુક કરાવી શકાતી હતી. એ સમયે કારની કિંમત પણ જાહેર કરવામાં ન આવી હોવા છતાં આ કારમાં લોકો એ રસ દાખવ્યો હતો. મળતી માહિતી પ્રમાણે પ્રી-બુકિંગ શરૂ થયાના 9 જ દિવસમાં આ કારનું 14208 જેટલું બુકિંગ થઇ ચૂક્યું છે.
નવી Hyundai Santroમાં 1.1 લિટર 4 સિલિન્ડર પેટ્રોલ એન્જિન આપવામાં આવ્યુ છે જે 69 PS પાવર અને 99Nm ટોર્ક જનરેટ કરે છે. Santroની CNG કાર 58 Bhp પાવર અને 84 Nm ટોર્ક જનરેટ કરે છે. આમા 5 સ્પીડ મેન્યુઅલ ગિયરબોક્સ સ્ટાન્ડર્ડ આપવામાં આવ્યુ છે. Magna અને Sports વેરિયન્ટમાં 5 સ્પીડ એએમટી ગિયરબોક્સમાં ઓપ્શન આપ્યો છે. CNG વેરિયન્ટમાં ફકત મેન્યુઅલ ગિયરબોક્સ છે.
નવી Santro સાત કલર ઑપ્શન માં ઉતારવામાં આવી છે.સિલ્વર પોલાર વ્હાઈટ સ્ટારડસ્ટ (ડાર્ક ગ્રે) ઈમ્પીરિયલ બેજ મરીના બ્લૂ ફિયરી રેડ અને ડાયના ગ્રીન કલરમાં મળશે. વી સેન્ટ્રોને K1 પ્લેટફોર્મ પર બનાવવામાં આવી છે. કારના એક્સટિરિરની વાત કરીએ તો નવી Santroમાં ઝેડ શેપ કેરેક્ટર લાઇન્સ આપવામાં આવી છે. ફ્રન્ટમાં ક્રોમ ફિનિશ સાથે કાસકેડિંગ ગ્રિલ અને રિયરમાં ડ્યૂઅલ ટોન બંપર છે.
આ નવી કારમાં 7 ઈંચની ટચ સ્ક્રીન ઈન્ફોટેનમેન્ટ સિસ્ટમ ટોપ વેરિયન્ટમાં આપવામાં આવી છે. જેમાં એપલ કાર પ્લે એન્ડ્રોઇડ ઓટો અને મિરર લિંક જેવા ફિચર્સ છે. સેફ્ટીની વાત કરવામાં આવે તો કારમાં ABS અને ડ્રાઇવર અરબેગ દરેક વેરિયન્ટમાં સ્ટાન્ડર્ડ આપવામાં આવ્યુ છે. ટૉપ મોડલમાં ડ્રાઇવર એરબેગની સાથે પેસેન્જર એરબેગ પણ આપવામાં આવી છે. પાછળની સીટ પર બેસતાં લોકોની સુવિધા માટે રિયર એસી વેન્ટ આપવામાં આવ્યુ છે. મજબૂતી માટે 63% હાઇ સ્ટ્રેંથ સ્ટીલનો ઉપયોગ કરવામાં આવ્યો છે. પાર્કિંગ કરવામાં સરળતા રહે તે માટે રિયર પાર્કિંગ કેમેરા પણ આપ્યો છે. જેમાં કીલેસ એન્ટ્રીની પણ સુવિધા છે.
આ કાર્સ સાથે થઇ શકે છે મુકાબલો:
ભારતીય માર્કેટમાં નવી સેન્ટ્રોની ટક્કર મારુતિ સુઝુકી વેગનઆર સિલેરિયો અલ્ટો અલ્ટો કે10 ટાટા ટિયાગો સાથે થશે. આ તમામ કાર 4 લાખ સેગમેન્ટની આસપાસ છે. સિલેરિયોના બેઝ મોડલની કિંમત 4.15 લાખ રૂપિયા છે. તેમજ વેગનઆરની કિંમત 4.2 લાખ રૂપિયાની આસપાસ છે.