નવી Hyundai Elantraને માત્ર પેટ્રોલ એન્જીનમાં લૉન્ચ કરવામાં આવી છે. કારના લુકમાં ફેરફાર સાથે એમાં નવા ફીચર્સ પણ સામેલ કરવામાં આવ્યા છે. નવી Elantraમાં વેન્યૂ એસયૂવીની જેમ કનેક્ટેડ કાર ટેક્નોલોજી 'બ્લૂપિંક' પણ છે.
Hyundai Motorએ નવી એલાન્ટ્રા ફેસલિફ્ટ (Elantra Facelift) કારને ભારતમાં લૉન્ચ કરી દીધી છે. એની કિંમત 15.89 લાખ રૂપિયા છે, જે બીએસ 6 એન્જીનની સાથે આવે છે. કારમાં હુંડઇની બ્લૂપિંક ટેક્નોલોજીનો ઉપયોગ કરવામાં આવ્યો છે. એટલે કે તમને કારનો મોબાઇલ એક્સેસ મળી જશે. એવામાં આ કારને ઘરે બેસીને મોબાઇલથી પણ કંટ્રોલ કરી શકાશે.
ત્રણ વેરિયન્ટમાં ઉપલબ્ધ રહેશે કાર
Elantra ત્રણ વેરિયન્ટ S, SX અને SX(O)ની સાથે અને ઑટોમેટિક વેરિયન્ટમાં આવશે. આ કારની ખરીદી પર કંપની 3 વર્ષ અનલિમિટેડ કિમી વોરંટી, 3 વર્ષે કે પછી 30 હજાર કિમી સુધી ફ્રી મેન્ટેનેન્સ, ત્રણ વર્ષ બ્લૂલિંક સબ્સક્રિપ્શન, ત્રણ વર્ષ રોડ સાઇડ આસિસ્ટેન્ટ, 3 વર્ષ મેપકેયર અપડેટની ઑફર મળશે. કારના પાંચ કલર વિકલ્પ મરીન બ્લૂ, પોલર વ્હાઇટ, ટાઇફૂન સિલ્વર, ફેન્ટમ બ્લેક અને ફેયરી રેડમાં આવશે.
ખાસ ફીચર્સ
નવી 2019 Elantraમાં હેક્સાગોનલ ગ્રિલ આપવામાં આવી છે, જેનાતી એનું ફ્રંટ વધારે પ્રીમિયમ લાગી રહ્યું છે. Elantra ની નવી ડિઝાઇન પોતાનામાં ખૂબ અલગ હોવાની સાથે સાથે ગ્રાહકોને ખૂબ પસંદ આવી શકે છે. આ સાથે જ હાઇટેક લુકની સાથે હુંડઇની આ કાર પાવરફુલ પણ હશે.
એન્જીન
હુંડઇએ Elantra ના 1.6 લીટર વાળા ડીઝલ એન્જીન વેરિયન્ટને બંધ કરી દીધું છે અને એની જગ્યા 2.0 લીટર વાળુ પેટ્રોલ એન્જીનને લૉન્ચ કર્યું છે, જે 152hp નો પાવર અને 192 ન્યૂટન મીટરનો ટાર્ક જનરેટ કરે છે. કાર 6 સ્પીડ મેન્યુઅલ અને 6 સ્પીડ ટાર્ક કનવર્ટર ઑટોમેટિકની સાથે આવે છે.