ઑટો / પૈસા આપ્યા વગર ભાડેથી લો કાર, Hyundai એ શરૂ કરી આ સર્વિસ

કરાર મુજબ ALD ઑટોમોટિવથી Hyundai વ્હીકલ 2 થી 5 વર્ષ માટે ભાડેથી લઇ શકાય છે. જો કે આ શહેર અને કાર મૉડલ પર નિર્ભર કરશે. હુંડઇની કાર લીઝિંગ સુવિધા સેલરીડ ક્લાસ, વર્કિંગ પ્રોફેશનલ્સ, નાની એન્ટરપ્રાઇસ, કોર્પોરેટ્સ અને પબ્લિક સેક્ટરને ધ્યાનમાં રાખીને શરૂ કરવામાં આવી છે. આ લીઝિંદ સર્વિસ તબક્કાબદ્ધ રીતે લાગૂ થશે. પહેલા તબક્કામાં આ દિલ્હી એનસીઆપ, મુંબઇ, ચેન્નાઇ, હૈદરાબાદ અને બેંગ્લોરમાં ઉપલબ્ધ કરાશે. 

Hyundaiની કાર લીઝિંગ સર્વિસ એના તમામ મૉડલ્સ પર ઉપલબ્ધ હશે. કાર લીઝ પર લેવા માટે કોઇ ડાઉન પેમેન્ટ કે એડલવાન્સ પેમેન્ટ ચુકવણી કરવી પડશે નહીં, સાથે જ કોઇ નાણાંકીય જોખમ પણ થશે નહીં. કાર લીઝિંગના અન્ય ફાયદામાં ઇફિશિએન્ટ ટેક્સ મેનેજમેન્ટ, સરળ અપગ્રેડેશન, ઝીરો મેન્ટેનેન્સ, ઝીરો રોડ ટેક્સ લાઇબિલિટી સામેલ છે. 

ભારતમાં વ્હીકલ લીઝિંગ બિઝનેસ ઝડપથી આગળ વધી રહ્યો છે. એ વખતે ભારતમાં કાર લીઝિંગ બિઝનેસનો આંકડો માત્ર 1 ટકા છે. જ્યારે વિક્સિત દેશોમાં આ 45 ટકા છે.