Hyundai મોટર્સ ટૂંક સમયમાં એક નવી SUV લોન્ચ કરવાની તૈયારીમાં છે. પરંતુ આ કાર ઇલેક્ટ્રિક કાર હશે. Hyundai Kona EV બાદ આ બીજી ઇલેક્ટ્રિક SUV હશે, જે ભારતમાં લોન્ચ થશે. આ SUV માં હાઇડ્રોજન ફ્યૂલ સેલ લાગેલા હશે જેની રેંજ 1000 કિલોમીટર સુધીની હશે.
Hyundai મોટર્સ ટૂંક સમયમાં કરી શકે નવી કાર લોન્ચ
1000 કિલોમીટર સુધીનું કાપશે અંતર
પ્રદૂષણ કરશે ઝીરો
Hyundai Kona EV બાદ Hyundai Nexo ને ફ્યૂલ સેલ ઇલેક્ટ્રિક વ્હીકલ્સ (FCEV) તરીકે ઓળખવામાં આવે છે. ગ્રીન હાઉસ ગેસથી ફ્રી હોય છે અને માત્ર પાણીનું જ ઉત્સર્જન કરે છે. જેમાં હાઇડ્રોજન ફ્યૂલ સેલ ગાડીમાં લાગેલ ઇલેક્ટ્રિક મોટરને પાવર આપે છે. FCEV વિશે કહેવામાં આવે છે કે, તે 99.9 ટકા પ્રદૂષિત તત્વોને ફિલ્ટર કરે છે.
1,000 કિલોમીટરનું કાપશે અંતર
યુરોપના વર્લ્ડ હાર્મોનાઇઝ્ડ લાઇટ ડ્યુટી વ્હિકલ્સ ટેસ્ટ પ્રોસિજર(WLTP) ના અહેવાલ મુજબ, નેક્સોમાં લાગેલ હાઇડ્રોજન ફ્યુઅલ સેલ્સને લીધે તેની રેન્જ 600 કિ.મી હશે. હ્યુન્ડાઇ મોટર ઇન્ડિયાના સીઈઓ દાવો કરે છે કે ભારતમાં લોન્ચ થનારી નેક્સો 1000 કિલોમીટર સુધીના અંતરને કાપવા માટે સક્ષમ હશે.
ટેન્કની ક્ષમતા 156.6 લીટર
વિદેશોમાં મળતી નેક્સોની ઇલેક્ટ્રિક મોટર 163 પીએસ પાવર અને 395 એનએમએમનો ટોર્ક આપે છે. તે જ સમયે, તે ફક્ત 9.2 સેકંડમાં 0 થી 100 કિ.મી.ની ગતિ પકડી શકે છે. નેક્સોની કુલ ટાંકી ક્ષમતા 156.6 લિટર છે.
ત્રણ હાઇડ્રોજન ટેન્કનો સમાવેશ
તેમાં ત્રણ હાઇડ્રોજન ટેન્કનો સમાવેશ થાય છે અને દરેકમાં 52.2 લિટર હોય છે. નેક્સોમાં પાંચ દરવાજા હશે અને તે પાંચ સીટર સ્પોર્ટ્સ યુટિલિટી વાહન હશે અને દેશની સૌથી વધુ વેચાયેલી મધ્યમ કદની એસયુવી ક્રેટા કરતા લાંબી રહેશે.
2021માં ભારતમાં થઇ શકે લોન્ચ
નેક્સોની સાથે ખાસ બાબત એ છે કે તે ફક્ત પાંચ મિનિટમાં ફરી રિફ્યૂલ થઇ જાય છે, જ્યારે ઇલેક્ટ્રિક કાર સંપૂર્ણ ચાર્જમાં ઓછામાં ઓછો એક કલાક લે છે. તાજેતરમાં, આ સરકારની ઝીરો ઇમીશન મોબિલિટી વિઝન હેઠળ એક અભ્યાસ કરવામાં આવ્યો છે. ગયા વર્ષે દિલ્હીમાં યોજાયેલ આઈડિયા-કોરિયા સમિટમાં હ્યુન્ડાઇએ આ એસયુવી રજૂ કરી હતી. તે જ સમયે, કંપની તેને આગામી 2021 સુધીમાં લોન્ચ કરી શકે છે.