Hyundai મોટર્સે પોતાની ઇલેક્ટ્રિક કારને લોન્ચ કરવાની પૂરી તૈયારી કરી લીધી છે. કંપનીનો દાવો છે કે આ કાર ચલાવવા માટેનો ખર્ચ ખૂબ જ ઓછો આવશે.
નવી Kona EV માં 39.2 Kwh ની બેટરી આપવામાં આવી શકે છે. જે 135 bhp નો પાવર અને 335 Nmનો ટાર્ક આપશે. ફુલ ચાર્જ થવા પર આ 400 કિલોમીટરથી વધારેનું અંતર કાપી શકશે. આ ઉપરાંત 0 થી 100 કિમી પ્રતિ કલાકની સ્પીડ પકડવામાં એને 9.3 સેકન્ડનો સમય લાગશે. આ ઉપરાંત એમાં ફાસ્ટ ચાર્જિંગની સુવિધા મળશે. એને 54 મિનીટમાં 0 થી 80 ટકા સુધી ચાર્જ કરવામાં આવી શકે છે.
આ કારને કંપનીએ લૉન્ચિંગ પહેલા જ વેબસાઇટ પર લિસ્ટ કરી દીધી છે. Kona સૌથી વધારે અંતર કાપનારી ઇલેક્ટ્રિક કાર હશે. તો કંપનીનો દાવો છે કે કોનાની રનિંગ કૉસ્ટ 1 થી 2 રૂપિયા પ્રતિ કિમી પડશે.
આ ગાડીના બે વેરિએન્ટ્સ જોવા મળી શકે છે જેમાં એક 39kwh અને બીજું 64kwg ની બેટરી સાથે આવશે. જે સિંગલ ચાર્જ પર 480 કિલોમીટરનું અંતર કાપી શકે છે. પરંતુ Hyundaiની તરફથી ભારતીય માર્કેટમાં એને બે અથવા એક વર્ઝનમાં લોન્ચ કરવાને લઇને ખુલાસો કરવામાં આવ્યો નથી.
નવી Kona EVની અંદાજે કિંમત 25 લાખ રૂપિયાની આસપાસ હોઇ શકે છે. જો આટલા રૂપિયા હશે તો આ ખૂબ જ મોંધી કાર હશે. કંપનીએને CKD રૂટ દ્વારા લાવવમાં આવશે