આ મોડલ માત્ર મેગ્રા વેરિયન્ટમાં મળશે. મેગ્રા વેરિયન્ટની તુલનામાં CNG મોડલ 67000 રૂપિયા મોંઘુ છે. કંપની ગ્રાન્ડ i10 સાથે અગાઉ પણ CNGનો વિકલ્પ આપતી હતી પરંતુ માત્ર ફ્લીટ બાયર્સ માટે હતુ. હ્યુંડાઈની સેન્ટ્રો બાદ કંપનીની આ બીજી કાર છે જે CNG મોડલમા મળશે. આ સેંગમેન્ટમાં CNG આપતુ આ એકમાત્ર મોડલ છે. સ્વિફ્ટ અને ફીગો કરા માત્ર પેટ્રોલ અને ડિઝલ એન્જિન ઑપ્શનમાં મળે છે.
રનિંગ કોસ્ટ ઓછી હોવાથી ઓછા સમયામાં CNG મોડલની લોકપ્રિયતામાં વધારો થયો છે. ફેક્ટરીમાં ફિટ થયેલી CNG કિટને વધુ સુરક્ષિત માનવામાં આવે છે. હાલમાં જ ફોર્ડે પોતાની પહેલી CNG કાર Aspire લોન્ચ કરી છે. જે ફીગોનું સિડાન વર્ઝન છે.
એન્જિનની ખાસિયત:
ગ્રાન્ડ i10 CNGમાં 1.2 લીટર સિલિન્ડર પેટ્રોલ એન્જિન આપવામાં આવ્યુ છે. આ એન્જિન કારના રેગ્યુલર મોડલમાં પણ ઉપલબ્ધ છે, જે 67PS પાવર અને 98Nm ટોર્ક જનરેટ કરે છે. રેગ્યુલર મોડલની વાત કરીએ તો તેમાં 83PS પાવર અને 110Nm ટોર્ક જનરેટ કરે છે. CNG વેરિયન્ટમાં માત્ર મેન્યુઅલ ટ્રાન્સમિશન આપવામાં આવ્યુ છે. જ્યારે રેગ્યુલર વેરિયન્ટમાં મેન્યુઅલ અને ઓટોમેટિક બંને ગિયરબોક્સ આપવામાં આવ્યા છે.
મેગ્રા વેરિયન્ટમાં છે આ ખાસિયતો:
ગ્રાન્ડ i10ના મેગ્ના વેરિયંટમાં બ્લૂટૂથ ઓડિયો સિસ્ટમ, સ્ટિયર માઉન્ટેડ કંટ્રોલ, ફોર પાવર વિન્ડો, રિયર AC વેન્ટ્સ, રિમોટ લોકિંગ, ઇલેક્ટ્રિસટી એડજસ્ટેબલ મિરર આપવામાં આવ્યા છે. સેફ્ટી ફીચર્સમાં એરબેગ્સ, ABS, રિયર પાર્કિંગ સેન્સર, ડ્રાઈવર સીટ બોલ્ટ વોર્નિગ જેવા ફિચર્સ છે.
ટોપ વેરિયન્ટમાં છે આ ફિચર્સ:
ગ્રાન્ડ i10ના ટોપ વેરિયંટમાં ટચ સ્ક્રીન ઈન્ફોટેનમેન્ટ સિસ્ટમ, એન્ડ્રોઇડ ઓટો, એપલ કાર પ્લે, ક્લાઇમેટ કંટ્રોલ, સ્ટરિંગ માઉન્ટેન કંટ્રોલ્સ, એડજસ્ટેબલ સ્ટિયરિંગ વ્હીલ્સ આપવામાં આવ્યા છે. આ વેરિયન્ટમાં 1.2 લિટર એન્જિન 74PS પાવર અને 190Nm ટોર્ક જનરેટ કરે છે. આમાં 5 સ્પીડ મેન્યુઅલ ગિયરબોક્સ છે.