હ્યુન્ડાઇ મોટર ઇન્ડિયા લિમિટેડ સ્થાનિક બજારમાં તેની આગામી સૌથી મોટા લોન્ચ તરીકે ઓલ-ન્યૂ 2020 હ્યુન્ડાઇ ક્રેટા સેકન્ડ જનરેશન રજૂ કરી રહી છે. ગયા વર્ષે થર્ડ જનરેશન ગ્રાન્ડ આઇ 10 નિઓસ રજૂ કર્યા પછી, હ્યુન્ડાઇ તેની સૌથી વધુ વેચાતી કાર અને સંપૂર્ણ રીતે નવા જ અવતારમાં ક્રેટા લોન્ચ કરી રહી છે. કરતું વાહન અને સંપૂર્ણ બદલાયેલ ક્રેટા લાવી રહ્યું છે. આ સિવાય 3 માર્ચ, 2020એ જિનેવા મોટર શોમાં ગ્લોબલ ડેબ્યૂ કરવા માટે રાહ જોઈ રહેલી ઓલ-ન્યૂ આઇ 20ને પણ આ વર્ષના મધ્યમાં લોન્ચ કરવામાં આવશે. ક્રેટાના લોન્ચ પહેલાં જ તેના વેરિઅન્ટ અને માઈલેજ સંબંધી જાણકારી લીક થઈ ગઈ છે.
બુકિંગ
દેશની બીજી સૌથી મોટી ઓટો ઉત્પાદક કંપની હ્યુન્ડાઇ મોટર ઇન્ડિયાની લોકપ્રિય કોમ્પેક્ટ એસયુવી ક્રેટાની ઔપચારિક બુકિંગ શરૂ કરી દીધું છે. 25000 રૂપિયાની ટોકન રકમ પર ક્રેટાને બુક કરાવી શકાય છે, જે રિફન્ડેબલ છે. દક્ષિણ કોરિયાની ઓટોમોબાઈલ કંપનીએ ભારતમાં આ એસયુવીની લોન્ચિંગ તારીખ જાહેર કરી છે. સેકન્ડ જનરેશનની હ્યુન્ડાઇ ક્રેટાને 17 માર્ચ, 2020ના રોજ ભારતીય બજારમાં લોન્ચ કરવામાં આવશે.
કિંમત
નવી હ્યુન્ડાઇ ક્રેટા એસયુવી એમજી હેક્ટર, ટાટા હેરિયર અને જીપ કંપાસ સાથે ટક્કર થશે. પરંતુ ક્રેટાનો સૌથી પ્રખ્યાત હરીફ કિઆ સેલ્ટોસ હશે. નવી હ્યુન્ડાઇ ક્રેટાના આકર્ષક, આધુનિક અને શાનદાર ફીચર્સ અને બીએસ 6 એન્જિન કારણે આ એસયુવી હાલના મોડેલ કરતા થોડી મોંઘી હોઈ શકે છે. ક્રેટા એસયુવીની કિંમત 10-16 લાખ રૂપિયાની વચ્ચે હોઈ શકે છે.
ફીચર્સ
3.5 ઈંચનું મોનો ટીએફટી મલ્ટી ઈન્ફોર્મેશન ડિસ્પ્લે, 7 ઈંચનું ઈન્સ્ટ્રૂમેન્ટ ક્લસ્ટર, ફ્રંટ વેન્ટિલેટર સીટ, રિમોટ એન્જિન સ્ટાર્ટ અપ, 8 સ્પીકર બોસ સાઉન્ડ સિસ્ટમ, ઓટો હોલ્ડ ફંક્શનવાળા ઈલેક્ટ્રિક પાર્કિંગ બ્રેક, 6 એરબેગ્સ જેવા ફીચર્સ કારના ટોપ એન્ડ મોડલમાં મળશે. આ સાથે નવી ક્રેટામાં ડી-કટ સ્ટીયરિંગ વિથ ટિલ્ટ એડજસ્ટમેન્ટ, સીટ બેલ્ટ રિમાઈન્ડર, રિયર પાર્કિંગ સેંસર્સ, સ્પીડ સેંસિગ ડોર લોક્સ અને હાઈ સ્પીડ એલર્ડ જેવી સ્ટાન્ડર્ડ ફીચર્સ પણ મળશે.
એન્જિન અને માઈલેજ
હ્યુન્ડાઈ ક્રેટા 2020 પાંચ વેરિઅન્ટમાં ઉપલબ્ધ થશે. નવી ક્રેટામાં કિઆ સેલ્ટોસમાં લગાવેલા એન્જિનનો જ ઉપયોગ થશે. આમાં બીએસ6 એન્જિનનો ઉપયોગ કરવામાં આવશે. 1.5 લીટ પેટ્રોલ, 1.5 લીટર ડીઝર અને 1.4 લીટર ટર્બો જીડીઆઈ પેટ્રોલ એન્જિન મળશે. ક્રેટાના પેટ્રોલ વેરિઅન્ટમાં 16.8 કિલોમીટર પ્રતિ લીટર માઈલેજ મળશે. જ્યારે ડીઝર વેરિઅન્ટમાં 21.4 કિલોમીટર પ્રતિ લીટર માઈલેજ મળશે.
પાવર
2020 ક્રેટામાં ત્રણ એન્જિન કિઆ સેલ્ટોસથી જ લીધા છે, જેથી તેમાં સેલ્ટોસ જેવું જ પાવર અને ટોર્ક આઉટપુટ હોવાની આશા છે. આ સિવાય 6 સ્પીડ મેન્યુઅલ ગિયરબોક્સ બધાં ત્રણ એન્જિનની સાથે સ્ટાન્ડર્ડ હશે.