New Launch / હ્યૂન્ડાઈની મોસ્ટ અવેટેડ કાર Aura થઈ લોન્ચ, એટ્રેક્ટિવ લુક સાથે મિડલ ક્લાસ ફેમિલી માટે પરફેક્ટ છે આ કાર

19 ડિસેમ્બર 2019માં જોવા મળી હતી પહેલી ઝલક 

Hyundai Auraના ટોપ વેરિઅન્ટની વાત કરીએ તો તેની કિંમત 9.22 લાખ રૂપિયા સુધી રાખવામાં આવી છે. હ્યૂન્ડાઈની Aura 6ના કલર ઓપ્શનમાં ફિયરી રેડ, પોલર વ્હાઈટ, તાઈફૂન, સિલ્લર, ટાઈટન ગ્રે, અલ્ફા બ્લૂ અને વિનટેજ બ્લૂ અને વિનટેજ બ્રાઉનમાં અવેલેબલ છે. ઉલ્લેખનીય છે કે, આ કારની પહેલી ઝલક 19 ડિસેમ્બર 2019માં જોવા મળી હતી અને 2 જાન્યુઆરી 2020માં આ કારની બુકિંગ શરૂ કરવામાં આવી હતી. 

આટલી છે કિંમત

આ કારની બુકિંગ માત્ર 10 હજાર રૂપિયામાં કરી શકાય છે. હ્યૂન્ડાઈ તરફથી જણાવવામાં આવ્યું હતું કે આ કારની બુકિંગ કંપનીની વેબસાઈટ અથવા ડીલરશિપ દ્વારા કરી શકાય છે. આ કારની શરૂઆતની કિંમત  5.79 લાખ રૂપિયા છે. 

Get Ready to Shine with The All New #HyundaiAURA https://t.co/CM9QIvpUj3

— Hyundai India (@HyundaiIndia) January 21, 2020

Grand i10 Nios જેવો છે લુક

હ્યૂન્ડાઈ ઓરાના લુકની વાત કરીએ તો તે થોડી Grand i10 Nios જેવી લાગે છે. ઓરાના ટોપ વેરિઅન્ટમાં એન્ડ્રોઈડ ઓટો અને એપલ કારપ્લેની સાથે 8 ઈંચની ટચસ્ક્રીન ઈન્ફોટેનમેન્ટ સિસ્ટમ, 5.3 ઈંચ ડિજિટલ સ્પીડોમીટર અને એમઆઈડી, વાયરલેસ ચાર્જર અન પ્રીમિયમ સાઉન્ડ સિસ્ટમ, રિઅર સેન્ટર આર્મરેસ્ટ મળશે. 

એન્જિન

હ્યુન્ડાઇ ઓરામાં ત્રણ BS-6 કમ્પ્લાયન્ટ એન્જિનના ઓપ્શન મળશે. તેમાં 1.2 લિટર 83 Hp/114 Nm જનરેટ કરનારું 1.2 લિટર કપ્પા પેટ્રોલ એન્જિન, 75 Hp/190 Nm જનરેટ કરનારું 1.2 લિટર ડીઝલ એન્જિન અને 100 Hp/172 Nm જનરેટ કરતું 1.0 લિટરનું ટર્બો પેટ્રોલ એન્જિન મળશે.