મળતી માહિતી અનુસાર કહી શકાય છે હ્યુન્ડાઈ કંપની પોતાની કારની કિંમતમાં વધારો કરવા જઈ રહી છે. કઈ કારની કિંમતમાં વધારો કરવામાં આવી રહ્યો છે તે માટે કંપનીએ કોઈ સ્પષ્ટતા કરી નથી. કંપનીએ એ વાતની સ્પષ્ટતા કરી છે કે વધતા જતા ખર્ચને કારણે કારની કિંમત વધારવાનું નક્કી કરવામાં આવ્યું છે.
જાન્યુઆરી 2020થી વધી શકે છે કારના ભાવ
હ્યુન્ડાઈ કંપની વધારી શકે છે ભાવ
ભાવ વધારા માટે કંપનીએ આપ્યું આ કારણ
આ કંપનીઓએ પણ ભાવ વધારાની કરી છે જાહેરાત
સાઉથ કોરિયાની કાર કંપની હ્યુન્ડાઈ મોટર ઈન્ડિયાએ જાહેરાત કરી છે કે જાન્યુઆરી 2020થી કંપનીની દરેક કારની કિંમતોમાં વધારો કરવામાં આવશે. નવા વર્ષમાં કારની કિંમત વધારનારી હ્યુન્ડાઈ પહેલી કંપની નથી. આ પહેલાં મારુતિ સુઝુકી, કિઆ, નિસાન અને મર્સિડિઝ બેંજની સાથે હીરો મોટોકોર્પ નવા વર્ષમાં પોતાના વાહનોની કિંમત વધારવાની જાહેરાત કરી ચૂકી છે. હ્યુન્ડાઈએ હાલ સુધી ખુલાસો કર્યો નથી કે આ કારની કિંમતોમાં કેટલો વધારો કરવામાં આવશે. પણ એ સ્પષ્ટતા કરી છે કે ખર્ચ અને પાર્ટ્સની કિંમતમાં વધારો થવાના કારણે ભાવ વધારો કરવામાં આવ્યો છે.
હીરો મોટોકોર્પ કરશે 2000 રૂપિયા સુધીનો વધારો
હ્યુન્ડાઈ ઈન્ડિયા મોડલના આધારે કારની કિંમતો વધશે અને તેમાં ઈંધણનો પ્રકાર પણ મહત્વનો રહેશે. મારુતિ સુઝુકીથી લઈને કિઆ અને નિસાનથી લઈને મર્સિડિઝે કિંમતોના વધારાને લઈને કોઈ ખુલાસો કર્યો નથી. જો કે હીરો મોટોકોર્પે કહ્યું કે કિંમતોમાં અંદાજે 2000 રૂપિયા સુધીનો વધારો કરવામાં આવી શકે છે.
ટાટા મોટર્સ કરશે ભાવમાં 10000-15000 રૂપિયાનો વધારો
જ્યાં સુધી આ કંપનીઓએ વાહનોના ભાવ વધારાની જાહેરાત કરી છે ત્યારે બાકી કાર નિર્માતા કંપનીઓ પણ પોતાની રેન્જની કિંમતોમાં વધારો કરવાનું એલાન કરવાની છે. ઉલ્લેખનીય છે કે 1 એપ્રિલ 2020થી લાગૂ થનારા ભારત સ્ટેજ-4 નિયમોને જોઈને કાર નિર્માતા કંપનીઓ પોતાના વાહનના ભાવ વધારી રહી છે. ટાટા મોટર્સ પણ જાન્યુઆરી 2020 પહેલાં વાહનોના ભાવ વધારશે. તેઓ કારની કિંમત 10000-15000 રૂપિયા સુધીની વધારશે. આ B56 વાહન હશે.