Health Tips / અડધી રાત્રે અચાનક ઊંઘ ઉડી જાય છે? તો થઈ જજો સાવધાન, આ ગંભીર બિમારીના હોઈ શકે છે લક્ષણ

• સૂતી વખતે અચાનક આવે છે ઝટકો?  
• અડધી રાત્રે ઉડી જાય છે ઊંઘ? 
• તો હોઈ શકે છે આ ગંભીર બિમારી 

ઘણી વખત સૂતી વખતે એવું લાગ્યું હશે કે તમે અચાનક નીચે પડવા માંડો છો અથવા તમારા શરીરને ખૂબ જ જોરથી આંચકો લાગ્યો હોય. શું આવું થવું સામાન્ય છે કે તે કોઈ રોગનું લક્ષણ છે? આવું થવાનું કારણ શું છે, ચાલો જાણીએ.

ઊંઘમાં કયા સમયે લાગે છે ઝટકા? 
સૂતી વખતે જે આંચકા આવે છે તેને હાઈપનિક જર્ક (Hypnik Jerks) અથવા સ્ટાર્ટર સ્લીપ તરીકે ઓળખવામાં આવે છે. આ ધ્રુજારી ત્યારે અનુભવાય છે જ્યારે વ્યક્તિ ન તો સંપૂર્ણ રીતે ઉંઘતી હોય કે ન જાગતી હોય. જ્યારે તમે કાચી ઊંઘમાં હોવ ત્યારે આ આંચકો અનુભવાય છે. જ્યારે વ્યક્તિ ઊંઘના પ્રથમ તબક્કામાં હોય છે, તે સમયે હૃદયના ધબકારા અને શ્વાસ બંને ધીમે ધીમે ચાલે છે, ત્યારે આવા આંચકા સૌથી વધુ અનુભવાય છે.

60 થી 70 ટકા લોકોને લાગે છે હાઈપનિક જર્ક 
હાઈપનિક જર્ક અનુભવવો સામાન્ય છે. લગભગ 60 થી 70 ટકા લોકો રાત્રે સૂતી વખતે આવા આંચકા અનુભવે છે. ઝટકા લાગ્યા બાદ મોટાભાગના લોકો આ વિશે નથી જાણી શકતા કારણ કે તેઓ ઊંઘમાં હોય છે.

ઊંઘમાં શા માટે આવે છે આંચકા?
વિજ્ઞાનીઓનું માનવું છે કે જ્યારે વ્યક્તિ થાકેલી હોય કે અસ્વસ્થ હોય ત્યારે આ આંચકા અનુભવાય છે. ક્યારેક  હાઈપનિક જર્ક પાછળનું કારણ કેફીનનું વધુ પડતું સેવન પણ હોય છે. રાત્રે સૂતા પહેલા વર્કઆઉટ કરવાથી પણ હિપનિક જર્ક લાગે છે. આ સિવાય સ્નાયુઓમાં ખેંચાણને કારણે સૂતી વખતે પણ આંચકા અનુભવાય છે.

ડોક્ટરની સલાહ લો 
જો કે સુતી વખતે આવા આંચકા લાગવા સામાન્ય છે. પરંતુ જો તમને ઝટકા લાગ્યા પછી બેચેની લાગે છે. તો આવી સ્થિતિમાં તમારે ડૉક્ટરની સલાહ લેવી જ જોઇએ.