ખામી / ભુવનેશ્વર જઈ રહેલી ફ્લાઈટની હાઈડ્રોલિક સિસ્ટમ ફેલ, દિલ્હી એરપોર્ટ પર ફૂલ ઈમરજન્સી જાહેર

• વિસ્તારાની દિલ્લીથી ભુવનેશ્વર જઈ રહેલી ફ્લાઈટમાં ટેકનિકલી ખામી સર્જાઈ
• ગ્રીન હાઈડ્રોલિક સિસ્ટમ ફેલ થવાથી વિમાન એયર ટર્ન બૈકમાં ફસાઈ ગયું
• વિમાન 8.19 મિનિટ પર સુરક્ષિત લેન્ડ થયું

 વિમાનની કંપની Vistaraની દિલ્લીથી ભુવનેશ્વર જઈ રહેલી ફલાઈટમાં સોમવારે ટેકનિકલી ખરાબી થઈ ગઈ હતી. જે બાદ દિલ્લી એરપોર્ટ પર ઈમરજન્સી જાહેર કરી દેવામાં આવી હતી.  સુત્રો દ્વારા મળતી માહિતી મુજબ હાઈડ્રોલીક સિસ્ટમ ફેલ થઈ જવાના કારણે વિમાન ઉડાન ભરીને પરત આવ્યું હતું.

વિમાન 8.19 મિનિટ પર સુરક્ષિત લેન્ડ થયું

આ ઘટના સાંજે  7.53 મિનિટ પર થઈ હતી.  ડીજીસીએ સૂત્રોએ જણાવ્યું હતું કે વિસ્તારાની ફલાઈટ એ320નું ગ્રીન હાઈડ્રોલીક સીસ્ટમ ફેલ થઈ જતા વિમાન એયર ટર્ન બૈકમાં ફસાઈ ગયું હતું. વિમાન 8.19 મિનિટ પર સુરક્ષિત લેન્ડ થયું હતું.

#UPDATE | After a full emergency was declared due to hydraulic failure, Air Vistara flight UK 781 operating from Delhi to Bhubaneswar landed safely in Delhi. All passengers are safe: DGCA

— ANI (@ANI) January 9, 2023

દિલ્હી એરપોર્ટ પર ઈમરજન્સી જાહેર કરવામાં આવી હતી

ડીજીસીએના સૂત્રોના જણાવ્યા અનુસાર ફ્લાઈટ ટેકઓફ થતાં જ વિમાનના પાયલટને ખબર પડી કે વિમાનની હાઈડ્રોલિક સિસ્ટમ ફેલ થઈ ગઈ છે. પાયલોટે આ અંગે ATCને જાણ કરી હતી, ત્યારબાદ દિલ્હી એરપોર્ટ પર ઈમરજન્સી જાહેર કરવામાં આવી હતી. ફાયર બ્રિગેડના વાહનોને સ્થળ પર મોકલવામાં આવ્યા હતા અને એલર્ટ જાહેર કરવામાં આવ્યું હતું.

નવેમ્બર અને ડિસેમ્બરમાં બે ઘટનાઓને કારણે ડીજીસીએ સંપૂર્ણ રીતે એલર્ટ

એર ઈન્ડિયામાં નવેમ્બર અને ડિસેમ્બરમાં બે ઘટનાઓને કારણે ડીજીસીએ હવે સંપૂર્ણ રીતે એલર્ટ છે. હકીકતમાં, 26 નવેમ્બરના રોજ, ન્યૂયોર્કથી દિલ્હી જતી એર ઈન્ડિયાની ફ્લાઈટમાં મુસાફરી કરી રહેલા નશામાં ધૂત વ્યક્તિએ વૃદ્ધ મહિલા પર પેશાબ કર્યો હતો. એર ઈન્ડિયાની ફ્લાઈટમાં આવી શરમજનક ઘટના સામે આવ્યા બાદ ડીજીસીએ કડક થઈ ગયું હતું અને આ મામલે એર ઈન્ડિયાને નોટિસ પણ ફટકારી હતી. 

એર ઈન્ડિયાએ અગાઉ DGCAને એક રિપોર્ટ પણ સુપ્રત કર્યો હતો, જેમાં  સ્પષ્ટતા કરી હતી કે ઘટનાના એક મહિનાથી વધુ સમય પછી પણ ફરિયાદ કેમ નોંધવામાં આવી નથી.

તે જ સમયે, ડિસેમ્બરની શરૂઆતમાં, એર ઈન્ડિયાની અન્ય એક ફ્લાઈટમાં આવો જ એક અન્ય કિસ્સો પ્રકાશમાં આવ્યો હતો. પેરિસથી દિલ્હી જતી એર ઈન્ડિયાની ફ્લાઈટમાં નશામાં ધૂત વ્યક્તિએ મહિલા મુસાફરના બ્લેન્કેટ પર પેશાબ કર્યો. આ ઘટના 6 ડિસેમ્બરે એર ઈન્ડિયાની ફ્લાઈટ નંબર 142માં બની હતી.