હૈદરાબાદમાં ડોક્ટરની સાથે થયેલા નિર્મમ રેપ અને હત્યાકાંડમાં આરોપીઓના પરિવારોએ કહ્યું કે તેમના દીકરાઓને જો મોતની સજા આપવામાં આવશે તો તેઓ વિરોધ નહીં કરે. એક આરોપીની માતાએ કહ્યું છે કે આરોપીઓને જીવતા જ સળગાવી દેવા જોઈએ.
હૈદરાબાદ રેપ-મર્ડર કેસ
આરોપીના પરિવારે કહ્યું દીકરાઓને આપો ફાંસીની સજા
મારા દીકરાને જીવતા સળગાવી દોઃ આરોપીની માતા
હૈદરાબાદ રેપ-મર્ડર કેસથી આખો દેશ હચમચી ગયો છે. સડકથી સોશ્યિલ મીડિયા સુધી પીડિતા મહિલાના હત્યારાને કડક સજા આપવાની માંગ કરવામાં આવી રહી છે.
ફાંસી આપો અથવા જીવતા સળગાવી દો
રેપ- મર્ડર કેસમાં ચારમાંથી એક આરોપી નારાયણપેટ જિલ્લાના મકઠલ મંડળના ગુડીગાંડલા ગામનો રહેવાસી છે. તેની માતાએ કહ્યું છે કે તેને ફાંસી આપી દો અથવા જીવતો સળગાવી દો. જેવું એણે ડોક્ટરની સાથે કર્યું તેનો રેપ કર્યા બાદ. તેઓએ કહ્યું કે તે ડોક્ટર પરિવારનું દર્દ સમજે છે. તેણે કહ્યું કે મારી પણ એક દીકરી છે અને મને ખ્યાલ છે કે મહિલાનો પરિવાર કયા દર્દથી પસાર થઈ રહ્યો હશે. આ ખ્યાલ હોવા છતાં મારા દીકરાએ અક્ષમ્ય ગુનો કર્યો છે તો હું તેનો બચાવ કરું તો લોકો મારાથી નફરત કરશે.
આરોપીને હતી કીડનીની બીમારી
આરોપીની માતાએ કહ્યું કે જ્યારે તેના દીકરાને પોલીસ પૂછપરછ માટે લઈ ગઈ તો તેના પતિએ હતાશ થઈને ઘર છોડી દીધું. તેઓે કહ્યું કે આરોપીના લગ્ન પાંચ મહિના પહેલાં થયા હતા. અમે તેની પસંદની છોકરી સાથે તેના લગ્ન કરાવ્યા હતા. ઘરમાં પણ તેની પર કોઈ પ્રેશર ન હતું કારણ કે તેને કીડનીની બીમારી હતી. અમે દર 6 મહિને તેનો ઈલાજ કરાવવા હૈદરાબાદની નિમ્સ હોસ્પિટલ લઈ જતા હતા.
રેપ- મર્ડર પછી ઘરે ગયો આરોપી
બંને આરોપીઓ ગુંડગાંડલાના રહેવાસી છે. મોહમ્મદ આરિફ પાસેના જકલૈર ગામનો રહેવાસી છે. આરીફની માતાએ પત્રકારોની સાથે વાત કરી તો તે તૂટી ગઈ હતી. આરિફ કુકૃત્ય કરીને ઘરે આવ્યો હતો. આરીફની માતાએ કહ્યું કે તેણે મને કહ્યું કે તેની ગાડીના એક્સીડન્ટમાં એક યુવતીનું મૃત્યુ થયું છે. તેના પિતા હુસૈને કહ્યું કે તેના અપરાધને વિશે કંઈ ખ્યાલ નથી. તેઓએ કહ્યું કે તે જે સજાને લાયક છે તે તેને મળવી જોઈએ. આરોપીની માતાએ કહ્યું કે અન્ય ત્રણેય આરોપી પણ મોટાભાગે તેમના ઘરે આવતા હતા.
ગામ શરમ અનુભવી રહ્યું છે
આરોપીના પરિવારના કારણે આખું ગામ શરમ અનુભવી રહ્યું છે. તેઓ પણ કાયદા પ્રમાણે સજાની માંગ કરી રહ્યું છે. લોકોમાં ભયંકર ગુસ્સો છે અને તેમના અપરાધથી આખું ગામ શરમ અનુભવી રહ્યું છે. સ્થાનીય લોકો અને વિદ્યાર્થીઓએ બંને ગામમાં રેલી કાઢી છે અને આરોપીને કડક સજા આપવાની માંગણી કરી છે.