તેલંગાણાના રંગારેડ્ડી જિલ્લામાં 26 વર્ષની મહિલા ડૉક્ટર સાથે ગેંગરેપ અને મર્ડર કેસમાં એસઆઇ સહિત ત્રણ પોલીસકર્મીઓને સસ્પેન્ડ કરી દેવાયા છે. આ પોલીસ કર્મીઓ પર કેસ નોંધવામાં અને કાર્યવાહીમાં બેદરકારી રાખવાનો આરોપ છે.
CM કે. ચંદ્રશેખર રાવે મામલાની ઝડપી સુનાવણી માટે ફાસ્ટ ટ્રેક કોર્ટના ગઠન કરવાનો આદેશ આપ્યો
હૈદરાબાદ રેપ-હત્યા મામલાને લઇને આખા દેશમાં લોકોમાં ગુસ્સાનો માહોલ છે
શનિવારે રાષ્ટ્રીય મહિલા આયોગની ટીમ પણ તેલંગાણા પહોંચી
આ મામલાને લઇને આખા દેશમાં લોકોમાં ગુસ્સાનો માહોલ છે. ત્યારે તેલંગાણાના મુખ્યમંત્રી કે. ચંદ્રશેખર રાવ ( KCR ) એ મામલાની ઝડપી સુનાવણી માટે એક ફાસ્ટ ટ્રેક કોર્ટના ગઠન કરવાનો આદેશ આપ્યો.
Telangana Chief Minister's Office: CM has instructed officials that the accused of the woman veterinary doctor's ghastly murder should be inquired on a fast track, & culprits should be given stringent punishment. CM also decided to set up a fast track court to deal with the case. pic.twitter.com/sYBL02EJrt
આ ઘટના બાદ પોતાના પહેલા નિવેદનમાં કેસીઆરે મહિલા સાથે બળાત્કાર અને હત્યાના મામલાને 'ભયાવહ' બતાવ્યો અને દુ:ખ વ્યક્ત કર્યું.
મુખ્યમંત્રી કાર્યાલય દ્વારા જાહેર નિવેદન અનુસાર તેઓએ અધિકારીઓને તાત્કાલિક કોર્ટનું ગઠન કરવા માટે પ્રક્રિયા શરૂ કરવા અને એ સુનિશ્ચિત કરવાનો નિર્દેશ આપ્યો કે દોષિતોને કડક સજા મળે. નિવેદનમાં કહેવામાં આવ્યું કે, સરકાર મહિલા ડૉક્ટરના પરિવારને સંભવ તમામ મદદ કરવા માટે તૈયાર છે.
નોંધનીય છે કે, શનિવારે રાષ્ટ્રીય મહિલા આયોગની ટીમ પણ તેલંગાણા પહોંચી. ટીમના સભ્યો પીડિતાના પરિવારજનો મળ્યા અને તેમને દિલાસો અપાવ્યો. સાથે જ કાર્યવાહી કરવા વિશ્વાસ અપાવ્યો.