ગજબ / આ સ્પેશિયલ થાળી ખાઈ જશો, તો રેસ્ટોરંટ આપશે 1 લાખ રૂપિયાનું ઈનામ, તમે પણ કરી શકશો ટ્રાય

• હૈદરાબાદની રેસ્ટોરંટમાં છે આ ઓફર
• ઈનામ જીતવા માટે આપે આ શરત માનવી પડશે
• હજૂ સુધી કોઈ આખી થાળી ખાઈ શક્યુ નથી

ખાવા પીવાની બાબતમાં ભારતીયોને દુનિયામાં કોઈ ટક્કર આપી શકે નહીં. અહીં દર 100 કિમીએ તમને ખાવા-પીવામાં ફેરફાર જોવા મળશે.એટલે કે માની લો કે કોઈ જગ્યા પર રોટલી અને શાક પસંદ છે, તો 100 કિમી બાદ આગળની જગ્યા પર લોકોને દાળ ભાત વધારે પસંદ કરતા હોઈ એવું પણ બને. આપણે ત્યાં તો રેસ્ટોરંટવાળા પર અવનવી ઓફર લઈને આવતા હોય છે, જો આપ પણ ખાવાના શોખિન છો તો આજે અમે આપના માટે આવા જ કંઈક સમાચાર લઈને આવ્યા છીએ. જ્યાં આપને એક પણ રૂપિયો ખર્ચ કર્યા વગર ભરપેટ ખવાનું અને જો આપ આ આખી થાળી એકદમ ખાલી કરી નાખશો, તો આપને ઉપરથી એક લાખ રૂપિયાનું ઈનામ પણ મળશે.

હૈદરાબાદની રેસ્ટોરંટમાં છે આ ઓફર

હકીકતમાં જોઈએ તો, આ થાળી આપને હૈદરાબાદની એક રેસ્ટોરંટમાં મળશે અને આ થાળીમાં કુલ 30 પ્રકારના વેજિટેરિયન અને નોન વેજિટેરિયન આઈટમ મળશે. તેમાં ચિકન બિરયાનીથી ળઈને પ્રોન કરી, શેઝવાન નૂડલ્સ અને રાયતાથી લઈને સલાડ અને ડ્રિંક્સ પણ મળશે. આ થાળીમાં બધું જ આવી જશે. તેનું નામ બાહુબલી થાળી છે. આ થાળીની કિંમત આમ તો અઠારસો રૂપિયા છે. 

ઈનામ જીતવા માટે આપે આ શરત માનવી પડશે

જો આપ વિચારી રહ્યા છો કે, આ થાળી ખાઈ જવાથી આપ લાખો પતિ બની જશો, તો આપે અમુક નિયમોનું પાલન કરવું પડશે. આપે આ થાળી ફક્ત અડધા કલાકમાં ખાવાની રહેશે. આટલું બધું ખાવાનું ખાવા માટે આપની પાસે ફક્ત 30 મીનિટનો સમય છે. જો આપે આ શરત પુરી કરી લીધી તો, આપ લાખોપતિ બની જશો.

હજૂ સુધી કોઈ આખી થાળી ખાઈ શક્યુ નથી

જેવું આ સમાચાર લોકો સુધી પહોંચ્યા તો, લોકો થાળીને ખતમ કરવા અને લાખોપતિ બનવા માટે ઉમટી પડ્યા હતા, જો કે, આ લખાય છે, ત્યાં સુધી કોઈ આ થાળીને ખાઈ શક્યુ નથી. પણ જો આપ પણ આવી ઈચ્છા ધરાવતા અને થાળી ખતમ કરવાની ઈચ્છા રાખતા હોય તો, સોમવારથી ગુરૂવાર સુધીમાં આપ આ રેસ્ટોરંટમાં આવીને ટ્રાય કરી શકો છો. વીક ડે બાદ આ ચેલેન્જ બંધ થઈ જશે. આ ખાસ ઓફરના કારણે રેસ્ટોરંટમાં ફુડીઝ લોકોનો મેળો લાગી ગયો છે. લોકો દેશના ખૂણે ખૂણેથી અહીં આવવા લાગ્યા છે.