તેલંગાણાની રાજધાની હૈદરાબાદમાં મહિલા વેટનરી ડૉકટર (Veterinary Doctor) સાથે દુષ્કર્મ બાદ હત્યા મામલે દરેક દિવસે નવો ખુલાસો સામે આવી રહ્યો છે. મહિલા ડોકટરની DNA રીપોર્ટ આવ્યા બાદ ફોરેન્સિક તપાસમાં નવો ખુલાસો થયો છે. હવે આ વાતની પુષ્ટી થઇ ગઇ છે કે ડોકટરની હત્યા પહેલા આરોપીઓએ જબરદસ્તીથી દારૂ પણ પીવડાવ્યો હતો.
હૈદરાબાદ ડૉકટર દુષ્કર્મ-હત્યા કેસ મામલે ખુલાસો
મહિલા ડોકટરની DNA રિપોર્ટમાં થયો મોટો ખુલાસો
આરોપીઓએ જબરજસ્તીથી પીવડાવ્યો હતો દારૂ
ફોરેન્સિક રિપોર્ટમાં થયો ખુલાસો
એક મીડિયાના રિપોર્ટ મુજબ પોસ્ટમોર્ટમ ફોરેન્સિક ટૉક્સિકોલોજી માં આ વાતનો ખુલાસો થયો છે કે મહિલા ડોકટરની લિવર ટિશૂઝ (Liver Tissue) માં દારૂનો ભાગ મળ્યો છે. ઉલ્લેખનીય છે કે દૂર્ઘટના પછી તરત પોલીસે કહ્યું હતુ કે આરોપીઓએ ડૉકટરના દુષ્કર્મ અને હત્યા પહેલા જબરજસ્તીથી દારૂ પીવડામાં આવી હતી. હવે પોલીસના દાવોની પુષ્ટી થઇ ગઇ છે.
મહિલા ડૉકટરના શરીરના હાડકાઓનો DNA તપાસ માટે મોકલવામાં આવ્યો હતો. આ રિપોર્ટ મુજબ DNA ડૉકટરના પરિવારજનો સાથે મેચ કરવામાં આવ્યો. આ સાથે પીડિતાના કપડાના સેમિનલ સેમ્પલ લેવામાં આવ્યા હતા. DNA તપાસથી આ વાતની પુષ્ટી થઇ ગઇ છે કે ઘટના સ્થળ પર મળી આવેલ સેમિનલના ડાઘ (Seminal Stains) ચાર આરોપીના જ હતા.
સુપ્રીમ કોર્ટના આદેશ અનુસાર એન્કાઉન્ટરમાં માર્યા ગયેલા આરોપીઓના મૃતદેહને સુરક્ષિતમાં રાખવાના હાઇકોર્ટના આદેશને યથાવત રાખ્યો છે.