હૈદરાબાદ પોલીસને દરોડામાં મોટી સફળતા મળી છે. બતામીના આધારે પોલીસે અલગ અલગ સ્થળે પાડેલા દરોડામાં 7 કરોડ 51 લાખ 10 હજાર 300 રૂપિયાની રોકડ મળી આવી. જેમાં મોટાભાગની નોટો 2 હજાર અને 500 રૂપિયાની હતી.
આ સાથે જ આરોપીઓ પાસેથી એક રિવોલ્વર આઇપેડ લેપટોપ નોટ ગણવાનું મશીન અને 30 ચેકબુક મળી આવી. તેલંગાણામાં વિધાનસભાની ચૂંટણીના ગણતરીના દિવસો જ બાકી રહ્યા છે ત્યારે આ રૂપિયાનો ઉપયોગ ચૂંટણીમાં ખોટી રીતે કરવાનો ઉદ્દેશ હોવાની પોલીસને આશંકા છે.
પોલીસે આર્મ્સ એક્ટ અને પીએમએનએલ એક્ટ હેઠળ ફરિયાદ નોંધી છે અને ઇડી તેમજ આવક વેરા વિભાગને પણ આ કેસમાં સામેલ કર્યા. ઝડપાયેલા ચાર આરોપીઓએ અન્ય ત્રણ સાગરીતો પણ નામની કબૂલાત કરી છે. જેમાં એક નામ જયેશ પટેલ હોવાની ચોંકવાનારી વાત સામે આવી છે. પોલીસને એ પણ આંશકા છે કે આ કેસના તાર દિલ્લી મુંબઇની સાથે ગુજરાત સુધી પણ ફેલાયેલા હોઇ શકે છે.