ઉત્તર પ્રદેશમાં વિધાનસભા ચૂંટણી સાથે જોડાયેલ નિવેદનને લઈને તેલંગણાના ભાજપ ધારાસભ્ય ટી રાજા ફસાઈ ગયા છે. ટી રાજા વિરુદ્ધ હૈદરાબાદ પોલીસે ફરિયાદ નોંધી છે.
હૈદરાબાદના ધારાસભ્યએ મતદારોને ધમકાવ્યા હતા
ચૂંટણી પંચે લીધી મોટી એક્શન
72 કલાક સુધી આ કામ નહીં કરી શકે
ઉત્તર પ્રદેશમાં વિધાનસભા ચૂંટણી સાથે જોડાયેલ નિવેદનને લઈને તેલંગણાના ભાજપ ધારાસભ્ય ટી રાજા ફસાઈ ગયા છે. ટી રાજા વિરુદ્ધ હૈદરાબાદ પોલીસે ફરિયાદ નોંધી છે. ટી રાજાએ વોટ ન આપનારા લોકોને ધમકી આપવાની કોશિશ કરી હતી. જેને ધ્યાનમાં લઈને આ કાર્યવાહી કરવામા આવી છે.
મતદારોને ધમકાવવા ભારે પડ્યા
ચૂંટણી પંચના મુખ્ય ચૂંટણી અધિકારીએ તેલંગણાથી ધારાસભ્ય વિરુદ્ધ ફરિયાદ દાખલ કરવાનું કહ્યું હતું. ટી રાજા સિંહ પર આરોપ છે કે, તેમએ લોકોને ભાજપને વોટ ન આપવા પર પરિણામ ભોગવવા માટે તૈયાર રહેવાની ધમકી આપી હતી.
પ્રચાર પર લગાવ્યો 72 કલાકનો પ્રતિબંધ
ચૂંટણી પંચે ટી રાજા સિંહને 72 કલાક માટે ચૂંટણી પ્રચાર કરવા પર પ્રતિબંધ લગાવી દીધો છે. જેમાં સાર્વજિક રેલી, ભાષણ, ઈન્ટરવ્યૂ, મીડિયા પર ભાષણ આપવા પર પ્રતિબંધ લગાવ્યો છે. પ્રતિબંધનો સમય શનિવાર સાંજના 6 વાગ્યાથી લાગૂ થઈ ગયો છે.
ચૂંટણી પંચે વીડિયો પર ધ્યાન દોર્યું
આ અગાઉ પણ ચૂંટણી પંચે ટી રાજા સિંહના નિવેદનવાળો વીડિયો ધ્યાનમાં લઈને તેમને નોટિસ ફટકારી હતી. નોટિસમાં જણાવ્યા અનુસાર ટી રાજા સિંહે પોતાની ટિપ્પણીમાં કહ્યું હતું કે, જે લોકો ભાજપને મત નથી આપતા, તેમને ખબર હોવી જોઈએ કે, યોગીજીએ યુપીમાં હજારો જેસીબી અને બુલડોઝર મગાવી રાખ્યા છે.