ક્રાઇમ / હૈદરાબાદઃ જે જગ્યા પર મહિલા ડૉક્ટરને દુષ્કર્મ કરીને સળગાવી હતી, ત્યાં જ મળ્યો વધુ એક મહિલાનો મૃતદેહ

• શમશાબાદમાં વધુ એક મહિલાનો સળગાવેલી હાલતમાં મૃતદેહ મળ્યો
• પોલીસ તપાસમાં લાગી, મૃતદેહને હોસ્પિટલમાં મોકલી દેવાયો

સાઇબરાબાદના પોલીસ કમિશનર વી.સી. સજ્જનરે કહ્યું કે શમશાબાદના બાહરી વિસ્તારમાં મૃતદેહ મળ્યો છે. મૃતદેહને સરકારી હોસ્પિટલ મોકલવામાં આવી રહ્યો છે અને આ મામલે કેસ દાખલ કરવામાં આવી રહ્યો છે. 

Telangana: Burnt body of a woman found in Shamshabad, today. VC Sajjanar, CP, Cyberabad says, "Body was found in an open area on the outskirts of Shamshabad. It is being moved to a government hospital for autopsy, case being registered". pic.twitter.com/8rPneYpDsm

— ANI (@ANI) November 29, 2019

સાઇબરાબાદના શમશાબાદ પોલીસ સ્ટેશન વિસ્તારમાં વધુ એક મહિલાનો મૃતદેહ મળ્યો. શમશાબાદ પોલીસ સ્ટેશન વિસ્તારના સિડડુલાગટ્ટા રોડ પાસે મહિલાનો મૃતદેહ મળ્યો છે. મહિલાની ઉંમર 35ની આસપાસ જણાવાય રહી છે. પોલીસ ઘટનાસ્થળે પહોંચી ગઇ છે અને તપાસ શરૂ કરી દીધી છે.

ટોલ પ્લાઝા પાસે મહિલા ડૉક્ટરનો મૃતદેહ

જણાવી દઇએ કે આ એ જ વિસ્તાર છે જ્યાં હજુ થોડા કલાકો પહેલા જ એક મહિલા ડૉક્ટરના રેપ બાદ સળગાવેલ મૃતદેહ મળ્યો હતો.

હૈદરાબાદની એક મહિલા ડૉક્ટર સાથે ગેંગરેપ કરી તેમની હત્યા કરી દેવામાં આવી હતી. પોલીસે શુક્રવારે આ સમગ્ર મામલે ખુલાસો કરતા જણાવ્યું કે આ કેસમાં ચાર લોકોની ધરપકડ કરવામાં આવી છે. શુક્રવાર મોડી સાંજે પ્રેસ કોન્ફરન્સમાં સાઇબરાબાદ પોલીસે પુષ્ટિ કરી છે કે મહિલા ડૉક્ટરની હત્યા પહેલા તેમનો ગેંગરેપ કરવામાં આવ્યો હતો.