અહો આશ્ચર્યમ્ / ભારતની આ લૅબમાં પેદા કરાવાઈ રહ્યો છે કોરોના વાયરસ, કારણ રસપ્રદ

• કોરોના વાયરસને ફૈલાતો અટકાવવાનો પ્રયાસ
• વૈજ્ઞાનિકો જાણકારી મેળવી રહ્યા છે
• વાંદરાના કિડનીમાં વાયરસના સેલ્સ વિકસાવવામાં આવી રહ્યા છે

હૈદરાબાદમાં પાંચ દાયકા પહેલા CCMBની સ્થાપના કરવામાં આવી હતી. આ સંસ્થા દેશની એક મહત્વપૂર્ણ સંશોધન પ્રયોગશાળા છે. અહીંના વૈજ્ઞાનિકો વાયરસના ફેલાવાને રોકવા માટે નવી રીતો શોધવાનું સતત કામ કરી રહ્યા છે.

CCMBના ડિરેક્ટર રાકેશ મિશ્રાએ ઇન્સ્ટિટ્યૂટની લેબમાં વાયરસ કલ્ચર વિશે જણાવ્યું હતું કે, અમે લેબ્સમાં મોટી સંખ્યામાં આ વાયરસ પેદા કરવાનું શરૂ કર્યું છે જેથી તેના કોષોની વૃદ્ધિનો અભ્યાસ કરી શક્યા.  તેમજ સીરમ પરીક્ષણમાં તેનો ઉપયોગ કરી શકાય છે.

રાકેશ મિશ્રાએ એક મીડિયાને કહ્યું, "ભારતના કોરોના વાયરસ વિશ્વના અન્ય ભાગોથી અલગ અથવા સંવેદનશીલ છે તે સાબિત કરવા માટે હજી સુધી કોઈ વૈજ્ઞાનિક પ્રમાણ નથી." પરંતુ મિશ્રા એ વાતથી સંમત છે કે વાયરસ સતત પોતાને મ્યુટેટ કરી રહ્યુ છે એટલે કે પરિવર્તિત કરે છે.

ડો. મિશ્રાએ દેશ અને રાજ્યોમાં મોટા પાયે પરીક્ષણની તરફેણ કરી. તેમણે કહ્યું કે આ કરવું જરૂરી છે કારણ કે એવા ઘણા કેસ છે કે જ્યાં લક્ષણો દેખાતા નથી. ડૉ. મિશ્રાએ લોકડાઉન લંબાવાની બાબતને પણ ટેકો આપ્યો હતો.

CCMBના ડિરેક્ટરએ કહ્યું, "જો આપણે સોશિયલ ડિસ્ટન્સિંગ અને લોકડાઉન સૂચનોનું પાલન કરીએ તો આપણે જૂનના અંત સુધીમાં પરિસ્થિતિને નિયંત્રણમાં રાખી શકીશું. જો આપણે લોકડાઉનને યોગ્ય રીતે અમલ નહીં કરીએ તો વર્ષના અંત સુધીમાં આ રીતે જ ચાલશે. "

તેમણે એમ પણ કહ્યું કે CCMBના વૈજ્ઞાનિકો ઘોડા જેવા મોટા પ્રાણીમાં વાયરસ એન્ટિબોડીઝ વિકસાવી રહ્યા છે જે પ્લાઝ્મા એન્ટિબોડીઝ જેવું જ છે.

ડૉ. મિશ્રાના જણાવ્યા મુજબ, એવા કોઈ વૈજ્ઞાનિક પુરાવા નથી કે હાઇડ્રોક્સિક્લોરોક્વિન દવા  કોરોના સામે અસરકારક છે. પરંતુ સાથે જ તેમણે કહ્યું કે તે  નુકસાનકારક પણ નથી અને એટલા માટે તે ફ્રન્ટ લાઇન વર્કર્સને વાયરસથી રક્ષણ અપાવવા માટે આપવામાં આવી રહી છે.