ઓપિનિયન / હૈદરાબાદની ઘટના અંગે અમદાવાદી યુવતીઓએ કહ્યું ગુજરાત પોલીસે આવું કરવું જોઈએ

• બધા દુષ્કર્મીઓ સાથે આવુ જ થવુ જોઈએ
• વડોદરાના આરોપીઓ પકડાય તો તેમને પણ એન્કાઉન્ટર કરી દેવા જોઈએ
• આરોપીઓને પોલીસનો એક ડર હોવો જોઈએ

હૈદરાબાદમાં ડોક્ટર સાથે જે ઘટના ઘટી તેનાથી સમગ્ર દેશમાં આક્રોશ જોવા મળ્યો હતો. દેશના ગામેગામમાં પ્રદર્શનો થયા. એક જ સૂર ઉઠ્યો કે, પીડિતાને ન્યાય આપો, અને બળાત્કારીને આકરી સજા કરો. લોકોએ બળાત્કારીને જાહેરમાં સોંપી દો. તેવી માગ સાથે દહેશભરમાં વિરોધ થઇ રહ્યા હતો.જોકે આજે  હૈદરાબાદ પોલીસે ચાર બળાત્કારીઓનું એન્કાઉન્ટર કરતા આજનો દેશવાસીઓ માટે ગુડ ફ્રાઈડે બન્યો છે.

ગત અઠવાડિયે ગુજરાતમાં બે કાળજુ કંપાવનારી ઘટનાઓ એકસાથે બની હતી. જેમાં રાજકોટમાં 8 વર્ષની બાળકી પર 22 વર્ષના નરાધમ યુવકે બળાત્કાર કર્યો હતો. એ જ દિવસે વડોદરામાં બે યુવકો સગીરાને ખેંચીને લઈ જઈ તેની સાથે બળાત્કાર ગુજાર્યો હતો. ત્યારે હૈદરાબાદની ડૉક્ટરના ચારેય દુષ્કર્મીઓનું પોલીસે ઢઈમ ઢાળી દીધું છે. તો ગુજરાતની બે પીડિતાઓને પણ ન્યાય થાય તેવુ અમદાવાદીઓ ઈચ્છી રહ્યાં છે. 

હૈદરબાદમાં આજે પોલીસે બળાત્કારના ચારેય આરોપીઓને એન્કાઉન્ટરમાં ઠાર મરાયા છે તેના વિષે અમદાવાદી યુવતીઓ શું કહે છે તેના વીટીવી સાથે વાત કરી હતી.

અમદાવાદી યુવતીઓ શુ કહે છે.

બધા દુષ્કર્મીઓ સાથે આવુ જ થવુ જોઈએ

"દેશભરમાં રોજેરોજ કોઈ ખૂણાખાંચરાના ગામમાંથી બળાત્કાર ઘટના ઘટે છે.ત્યારે પીડિતાને કોઈપણ પ્રકાર ન્યાન મળતો નથી અને પીડિતાનો પરિવાર પોલીસ સ્ટેશન, કોર્ટના ચક્કર લગાવીને થાકી થાય છે પણ ન્યાય નથી મળતો જેથી હૈદરાબાદ પોલીસે જે કામ કર્યું તેવું બધા દુષ્કર્મીઓ સાથે થવું જોઈએ." - ભાવના સોની, સોલા

ગુજરાત પોલીસ પણ હથિયાર ઉઠાવે

"હૈદરાબાદમાં જે થયું તેવું જ ગુજરાતની પોલીસ પણ આ રીતે હથિયાર ઉઠાવે. અને ગુજરાતમાં બનેલ બળાત્કારની ઘટનમાં આરોપીઓને આવી સજા કરે અને સાથે આવી ઘટના ફરી ન બને તે માટે ગુજરાત સરકાર પાસે કડક કાયદો લાવવાની માંગ છે." - શાયન્તિ મુખર્જી ,આંબાવાડી

વડોદરાના આરોપીઓ પકડાય તો તેમને પણ એન્કાઉન્ટર કરી દેવા જોઈએ

"તાજેતરમાં વડોદરા દુષ્કર્મ કેસમાં આરોપીઓ હજી પણ પકડાયા નથી. અને જો આ વડોદરાના આરોપીઓ પકડાય તો તેમને પણ એન્કાઉન્ટર કરી દેવા જોઈએ, પોલીસે આવા આરોપીઓને ડર અપાવવો જોઈએ તો જ આ વિકૃત માનસિક ધરાવતા લોકોની શાન ઠેકાણે આવી શકે છે. - ચંદ્રિકા સુમેરા, સોલા

રાજકોટના આરોપીને પણ હૈદરાબાદના આરોપી જેવી સજા આપો

"રાજકોટમાં નરાધમ યુવકે 8 વર્ષની બાળકી સાથે જે હેવાનિયત આચરી તે જોઈને હૃદયના કાપી જાય છે. નરાધમે માતાપિતા સાથે સૂતેલી નિંદ્રાધીન બાળકીને ઉઠાવીને તેને જે રીતે પીંખવામાં આવી હતી તે જોતા એ આરોપીને પણ હૈદરાબાદના આરોપીઓની જેમ સજા થવી જોઈએ." - હેતવી રાવલ, એલ ડી કોલેજ ઓફ એન્જીનયરિંગ, સોલા

આરોપીઓને પોલીસનો એક ડર હોવો જોઈએ

"હૈદરબાદની ઘટના સાંભળીને રોંગટા ઉભા થઇ ગયા હતા,ચાર આરોપીઓ એક ડોક્ટર સાથે જે કર્યું હતું તે હૈદરાબાદ પોલીસની સરાહનીય કામગીરી છે,અને ગુજરાત પોલીસ એ પણ આવું જ કરવું જોઈએ જેથી મહિલા બાળકી ,કે અન્ય સાથે આવું કરતા પેહલા દસ વાર વિચાર કરતા થઇ જાય, આરોપીઓને પોલીસનો એક ડર હોવો જોઈએ તો જ ન્યાય મળી શકે છે." - આયુષી તિવારી , એલ ડી કોલેજ ઓફ એન્જીનયરિંગ ચાંદખેડા

(સ્ટોરી: પ્રીતેશ પ્રજાપતિ)