હૈદરાબાદ ગેંગરેપ-મર્ડર કરનારા આરોપીઓ ભલે ઠાર મરાયા હોય. પરંતુ તેમણે આ ઘટનાને અંજામ આપ્યા હોવાના CCTV ફુટેજ સામે આવ્યા છે. એ શખ્સ તેમાં જોવા મળ્યો જેની મદદથી હૈદરાબાદ પોલીસ આરોપીઓ સુધી પહોંચી શકી હતી. આ શખ્સે જ આરોપીઓ વિશે જણાવ્યું હતું.
હૈદરાબાદ ગેંગરેપ કેસના મહત્વના CCTV ફૂટેજ સામે આવ્યા
પેટ્રોલપંપના આ CCTV પોલીસ માટે બની મહત્વની કડી
પેટ્રોલપંપના કર્મચારીએ પેટ્રોલ આપવાનો ઇન્કાર કર્યો
રાત્રીના એક વાગ્યે આરોપી જોલુ શિવા પેટ્રોલ પંપ પર પેટ્રોલ લેવા માટે આવ્યો હતો. હાથમાં બે લીટરની ખાલી બોટલ હતી. પરંતુ ત્યાંના એક કર્મચારીએ ખુલ્લી બોટલમાં પેટ્રોલ ન આપ્યું.
ત્યારબાદ તે અન્ય એક પેટ્રોલ પંપ પર ગયો હતો. આ દરમિયાન પેટ્રોલ પંપના કર્મચારીને શંકા ગઇ, તો તેમણે આરોપી જોલુ શિવા અને તેમના સાથીઓનો પીછો કર્યો. પેટ્રોલ કર્મચારીએ જણાવ્યું કે, જ્યારે આરોપીએ અહીં પેટ્રોલ ન આપ્યું તો બીજેથી પેટ્રોલ ખરીદ્યું હતું.
ત્યારબાદ તેને પેટ્રોલ મળ્યું હતું અને આ ચાર નરાધમોએ આ પેટ્રોલથી પીડિતાને આગ લગાવી હતી. હૈદરાબાદથી 50 કિમી દૂર આરોપીઓએ પીડિતા સાથે રાત્રે બળાત્કાર કર્યો હતો. પરોઢીએ તેને સળગાવી મુકી હતી. આ CCTV ફુટેજની મદદથી જ આ આરોપીઓની ધરપકડ જલ્દી થઈ શકી હતી.
સીસીટીવી ફુટેજમાં કેદ થઇ હતી આરોપીઓની તસવીર
આ પેટ્રોલ પંપથી પેટ્રોલ ખરીદવા આવેલ જોલૂ શિવાની તસવીર સીસીટીવી ફુટેજમાં કેદ થઇ ગઇ હતી. પોલીસને આરોપીઓના પહેલા પુરાવા પણ અહીં મળ્યા. આ પેટ્રોલ પંપના કર્મચારીએ 100 નંબર પર ફોન કરીને પોલીસને આરોપીઓની જાણકારી આપી હતી.
પોલીસે પેટ્રોલ પંપ કર્મચારી પાસે આરોપી જોલૂ શિવાનો સ્કેચ પણ બનાવ્યો હતો. પોલીસે તપાસ દરમિયાન પેટ્રોલ પંપના આ કર્મચારીને પોતાની સાથે રાખ્યો હતો. આ વ્યક્તિએ જ આરોપીઓની ધરપકડ બાદ ઓળખ કરી હતી. જોકે આ આરોપીઓને પણ પોલીસે મોતને હવાલે કરી દીધા છે.