કહેવાય છે કે, તમે જોયેલા સપના ચોક્કસ પુરા થાય છે, પણ તેના માટે સખ્ખત મહેનત અને આત્મવિશ્વાસ હોવો જોઈએ, તો તમે ધારેલા ક્ષેત્રમાં સફળતા મેળવી શકો છો, કંઈક આવું જ હૈદરાબાદના એક વિદ્યાર્થી સાથે થયું છે.
હૈદરાબાદ એક વિદ્યાર્થીને અમેરિકાની યુનિવર્સિટીમાંથી 1.3 કરોડની સ્કોલરશિપ મળી
હૈદરાબાદનો આ છોકરો હવે અમેરિકા ભણવા જશે
નાનપણથી જોયેલુ સપનું હવે પુરુ થશે
હૈદરાબાદના વેદાંત આનંદવાડેને સંયુક્ત રાજ્ય અમેરિકામાં કેસ વેસ્ટર્ન રિઝર્વ યુનિવર્સિટીમાંથી ન્યૂરોસાયન્સ અને સાયકોલોજીમાં પ્રી મેડિકલ અંડરગ્રેજ્યુએટ સ્ટડીઝ માટે 1.3 કરોડ રૂપિયાની સ્કોલરશિપ મળી છે. આપને જણાવી દઈએ કે, જે યુનિવર્સિટીમાં વેદાંત અભ્યાસ કરવા જવાનો છે, તેને દુનિયાના 17 નોબેલ પુરસ્કાર મળ્યા છે.
18 વર્ષના વેદાંતે એક જળવાયુ કોમ્પિટિશન ચેલેન્જમાં ભાગ લીધો હતો. હવે તે UNESCOની જ્યૂરી સમક્ષ પોતાના વિચારો રજૂ કરવા માટે નવેમ્બરમાં પેરિસમાં પણ જશે.
વેદાંત શરૂઆતથી જ વિદેશ યાત્રા કરવા માગતો હતો. જો કે, હવે તેનું આ સપનું પુરુ થવા જઈ રહ્યું છે. તે પોતાના એજ્યુકેશનને આગળ વધારવા માગે છે. તે કેસ વેસ્ટર્નમાં ન્યૂરોસાયન્સમાં અભ્યાસ કરશે અને ભવિષ્યમાં સર્જન બનવા માગે છે.
વેદાંત અહીં સુધી કેવી રીતે પહોંચ્યો અને કેમ મળી સ્કોલરશિપ
હૈદરાબાદનો વેદાંત જ્યારે ધોરણ 8માં હતો, ત્યારથી વિદેશમાં ભણવાની ઈચ્છા ધરાવતો હતો. તેમણે ધોરણ 10 બાદ બાયોલોજી વિષય પસંદ કર્યો હતો. કોરોના કાળમાં તેમની માતાએ ડેક્સરેટિટી ગ્લોબલથી તેને પરિચિત કરાવ્યો.
16 વર્ષની ઉંમરમાં તે વિદેશોમાં કોલેજો અને કાઉંસલરને શોર્ટલિસ્ટ કરતા ત્રણ મહિનાના કરિયર ડેવલપમેંટ પ્રોગ્રામ માટે અરજી કરી. જેથી વેદાંતને તેના વિશે જાણકારી મળે અને ભવિષ્યમાં તે પોતાના અભ્યાસ માેટ આગળ વધે.
વેદાંત શરૂઆતથી પોતાના એજ્યુકેશનને લઈને સીરિયસ હતો. તેમણે જણાવ્યું હતું કે, ક્લાસમાં મળેલા અસાઈનમેંટથી તેમના મનમા આત્મવિશ્વાસ વધ્યો અને સ્વતંત્રતા પ્રાપ્ત થઈ. મંથલી અસાઈનમેંટે વિદ્યાર્થીઓને તે અવસર, હરીફાઈ અને ક્વિઝ સિલેક્શન કરવા માટે પ્રેરણા આપી. જેમાં તેને ભાગ લેવાનો હતો. આવી રીતે ડેક્સટેરિટી ગ્લોબલની તે ટીમે જળવાયુ કોમ્પિટિશન ચેલેન્ડ જીતી લીધી અને તેના રિઝ્યૂમને ખૂબ જ સારો પ્રતિસાદ મળ્યો.
માતાને દિકરા પર ગર્વ
વેદાંતની માતા વિજયાલક્ષ્મી અનાદવડે કહે છે કે, તેમને દિકરા પર ગર્વ છે. તે 1.3 કરોડ રૂપિયાની સ્કોલરશિપથી ખુશ છે.