કોરોનાની વેક્સીન બનાવી રહેલી ઈન્ડિયન મેડિકલ કંપની ભારત બાયોટેકે કહ્યું કે તે કોરોના વેક્સીન Covaxinમાં એક એવી દવા મિક્સ કરશે જેનાથી રોગ પ્રતિરોધક ક્ષમતા વધુ મજબૂત થશે અને તેનાથી લાંબા સમય સુધી ઈમ્યુનિટી મળશે.
COVAXIN માં અલહાઈડ્રોક્સીક્વીમને મિક્સ કરાશે
લાંબા સમય સુધી મળશે ઈમ્યુનિટી
ભારત બાયોટેકે વારોવેક્સ સાથે કર્યો કરાર
આ માટે ભારત બાયોટેક આ વેક્સીનમાં Alhydroxiquim-IIને મિક્સ કરવા જઈ રહી છે. Alhydroxiquim-II આ વેક્સીનમાં સહાયકનું કામ કરશે અને રોગ પ્રતિરોધક ક્ષમતાને પણ વધારો આપશે.
ચાલી રહ્યું છે કોવેક્સીન ફેઝ 2નું માનવ પરીક્ષણ
હૈદરાબાદની દવા કંપની ભારત બાયોટેકે કોરોના માટે વેક્સીન લોન્ચ કરવાની તૈયારી કરી છે. આ કંપનીએ ડ્રગ કંટ્રોલર જનરલ ઓફ ઈન્ડિયા પાસે વેક્સીન બનાવવાની પરમિશન લીધી છે. આ કંપની હજુ કોવેક્સીન ફેઝ 2નું માનવ પરીક્ષણ કરી રહી છે. અમેરિકાના કૈંસસની વેક્સીન નિર્માતા કંપની વાયરોવેક્સ એલએલસી અલહાઈડ્રોક્સીક્વીમ-2નું ઉત્પાદન કરે છે. આ કંપનીની સાથે કરાર બાદ ભારત બાયોટેક આ દવાનો ઉપયોગ કરી શકશે.
કોવેક્સીન હાલમાં એક નિષ્ક્રિય વેક્સીન
કોવેક્સીન અત્યારે એક નિષ્ક્રિય વેક્સીન છે તેને ઈન્ડિયન ઈન્સ્ટિટ્યૂટ ઓફ વાયરોલોજી પુનામાં SARS-CoV-2 વાયરસથી શોધાઈ છે. કંપનીનું કહેવું છે કે આ નિષ્ક્રિય વેક્સીનમાં વાયરોવેક્સના સહાયક ઘટકો અલહાઈડ્રોક્સીક્વીમને મિક્સ કરાશે ત્યારે તે પૂર્ણ રીતે વેક્સીન કેન્ડિડેટ બનશે.
ભારત બાયોટેકના ચેરમેન અને પ્રબંધ નિર્દેશક કૃષ્ણ ઈલાએ કહ્યુંકે એવા સહાયક તત્વોની વધારે જરૂર છે જે વેક્સીન એન્ટીજનને પ્રતિ વધુ એન્ટીબોડી રિસ્પોન્સ જન્માવી શકે, આ કારણે પૈથોજિંસ લાંબા સમય સુધી સુરક્ષા આપશે. તેઓએ કહ્યું કે વાયરોવેક્સની સાથે અમારી ભાગીદારી ભારત બાયોટેકની સુરક્ષિત અને પ્રભાવી વેક્સીન વિકસિત કરવા મામટે સમર્પણનું પરિણામ છે. તેનાથી લાંબા સમય સુધી ઇમ્યુનિટી મળી શકશે.